رسالة شكرلدفعة الابطال

سلام عليكم
مبدئيا احنا كمان بجد عايزين نشكرك جدا لانك اصلا صاحب العملية كلها من الاول
على فكرة بالنسبة للتاخير اللي حصل من ناش كتير في التبرعات فانا اكتشفت امبارح ان في ناس كتير ماكانتش تعرف اصلا حاجة عن الزيارة خالص
و ماشافوش الاعلان بتاع الزيارة خالص
لان احنا بعد ما قمنا من ع الموقع امبارح انا و كنزي بعتنا رسايل لكل اللي نعرفهم و لقيت ناس بتتصل عليا و هي مش فاهمة انا باتكلم عن ايه اصلا !!!!!!!!!!
ده بالنسبة لنقطة التأخير اللي كنت عايزة اوضحها
معلش انا اتأخرت في الرد عليكم في موضوع الحاجات اللي اشتريناها بس معلش لان احنا رجعنا من بره تعبانين جدا و دخلنا ننااااااااااااااااااااااااااااااااااام
المهم
د.عبد انت كنت طلبت ان احنا ندخل النهارده نكتب الحاجات اللي احنا اشترينها
احنا دلوقتي بالفلوس اللي جمعتها انا وكنزي نزلنا النهارده جبنا شوية حاجات بصوا انا هاكتب احنا جبنا ايه بالظبط عشان لو حد عنده اقتراحات او كده
-طقمين ملايات
- طقمين كبايات شاي
- 24 معلقة كبيرة
- 24 معلقة صغيرة
- صنيتين تقديم
-12 طبق غويط
-12 طبق مسطح
بس
كده بقى فاضل الفلوس اللي ضحي جمعتها و هي حوالي 150 جنيه لان كمان في ناس النهارده نسيت تجيب الفلوس و قالت هتجيبها بكره
بصوا عايزين اقتراحتكم ايه اهم حاجة نجيبها بالفلوس الباقية معانا
و انا كمان بجد باشكر د.عبد الله و د.رامي و طبعا ضحى لانهم هم كمان بجد تعبوا النهارده

فعلا ابطال
انا فخور بيكم
بصراحة انا ماعنديش اقتراحات تانيه
انتو قدها وقدود
شوفوا انتو عايزين تجيبوا ايه تاني
ممكن زيوت شعر وبنس والحاجات الخاصة بالبنات أكيد انتو عارفينها
على فكرة ياجماعة في اكتر من 7 اولاد اتبرعوا بلبس قديم عندهم وفي ناس تانية هتتبرع فياريت برده البنات اللي عندهم لبس قديم وكده
وانا متابع معاكم

طبعا بجد شكرا للكل الناس اللي شاركت ف الموضوع ده
والله الواحد بيفرح بالمشاركات الجماعيه دي
بس انا عايزه اخد رايكم ف حاجه
مش ممكن الحاجات دي المشرفين هم اللي ياخدوها وماتوصلش للايتام..وعلى فكره الملحوظه دي جاتلي من ناس كتير اوي
وخصوصا الحاجات بتاعه البنتين لان اي بيت هايحتاجها..اما الكشاكيل وكده فدي عادي
فممكن مثلا لما نقابل البنتين بكره نديهم الحاجات دي ويخلوها معاهم ولا ايه النظام
يعني انتوا واثقين ان الحاجات دي هاتوصلهم..
عايزه رد بجد لايف كل شويه تقولي مسرحيه وجهه نظر..مسرحية وجهه نظر عقدتني اصلا
..

ماشي يا فالحة
و بعدين مش مسرحية وجهة نظر بس
في كمان مسلسل اولاد الشوارع

ههههههههههههههههههههههه
لا ابطال ابطال

انا كنت هتكلم في النقطة دي بكرة في المدرج
احنا الهدايا اللي احنا جبناها مش هنسلمها للمشرفين هنسلمها للايتام يد بيد
ياريت بقي تبلغوا الناس الجاية وياريت كمان الناس تيجي علشان العمل يكتمل للنهاية

ان شاء الله هانبلغ الكل
واكيد طبعا ان شاء الله جايين
وربنا يتقبل

بجد يا جماعة كان نفسي اكون معاكم امبارح بس الظروف بقى
عموما بجد جزاكم الله كل خير وربنا يتقبل منكم ويجعله في ميزان حسناتكم
ويا ريت تستمروا فعلا في الموضوع ده
انتم بجد كلمة ابطال قليلة عليكم وانا فخورة بجد بيكم كلكم ربنا يوفقكم