تعديلا لما قد ذكرت من قبل ....

تقرر عقد مباراة الزمالك و الأهلى فى الجولة الخامسة من دور الثمانية
فى بطولة دورى الأبطال أفريقيا ... يوم الأحد المقبل الموافق 14/9/2008
و ليس الجمعة 12/9/2008 ... كما قد ذكرت من قبل

كان النادى الأهلى قد ضمن الصعود إلى الدور قبل النهائى بعد فوزه على نادى ديناموز هيرارى المازيمبى فى الجولة السابق ليرتفع رصيده إلى 10 نقاط فى صدارة المجموعة قبل جولتين من مباريات المجموعة

بينما يتنافس كل من نادى الزمالك و أسيك الايفوارى و ديناموز المازيمبى على البطاقة الثانية

نتمنى التوفيق للنادى الزمالك فى المبارتين القادمتين على الرغم من صعوبتهما
حيث يلتقى فى الأولى مع النادى الأهلى يوم 14 كما ذكرت
و يلتقى فى الثانية يوم 19فى زيمبابوى مع نادى ديناموز الذى لم يقدم أفضل ما لديه بعد

فى حين يلتقلى أسيك مع نادى ديناموز فى المباراة الأولى على ملعب أسيك يوم 12
و فى الثانية مع النادى الأهلى فى القاهرة يوم 19

فى حين تسوء فرصة ديناموز فى الصعود حيث أنه يتذيل المحموعة برصيد 3 نقاط
و يلتقى فى المباراة القادمة مع نادى أسيك بكوديفوار يوم 12
و فى الثانية مع الزمالك بزيمبابوى يوم 19


و بالتالى على الزمالك الآن تقديم أفضل ما لديه ليستطيع انتزاع بطاقة الصعود و إلا فلا

شكرا ع المعلومات يا د.اسلام
مع اني يستحيل اقعد ع التليفزيون عشان اسمع ماتش
اصلا لما بابا او او اخواتي بيقعدوا يسمعوا ماتش بابقى متغاظة اوي
ع العموم شكرا الموضوع
اكيد في غيري كتير مابقعدوش غير عشان الكورة !!!!!
تسلم ايدك يا د.اسلام

طبعا فى ناس كتير مش بيقعدوا ع التليفزيون إلا علشان الكورة ... و أنا منهم

بس المفروض انه بعد بطولة أمم أفريقيا 2006 اللى كانت فى مصر...و اللى فزنا بيها ... و جو الأغانى الوطنية الكتيرة اللى كان موجود ... و بيب بيب مصر حصلت ثورة ... و البنات بقوا بيتابعوا الكورة ... و بقوا بيشاركوا فى البرامج الرياضية ... و يتصلوا و يسألوا عن الماتشات و اللاعبين ... و كدة بقى

و بالتالى المفروض انه يبقى عندكم وعى رياضى و متابعة للماتشات زي الولاد

و لا يعنى أحنا نتابع الماتشات و انتم تقعدوا تذاكروا

تقريبا الماتش الوحيد اللي سمعتو كان الماتش النهائي بتاع امم افريقيا
فعلا كان جو جميل اوي بس ما حاولتش اسمع حاجة بعديه
بس حلو موضوع تذاكروا ده
بالرغم من انه مش شتيمة
بس على فكرة اكتر ناس بتذاكر الصبيان مش البنات

هههههههههههههه ..... أحنا هنضحك على بعض و لا ايه

عموما طبعا اللى بياكل على ضرسه بينفع نفسه
و كل واحد بيدور على مصلحته
و كل حاجة .... ما فيش اعتراض

بس بردوا بتسهونا و تذاكروا
يعنى مثلا البنت تدخل تعمل نفسها نايمة :34: و تقعد تذاكر
تعمل نفسها عايزة تتفرج على التليفزيون و تزعل لما ماتش يجى ... بس هى أصلا عايزة تذاكر و الماتش جه فرصة

حركات كدة يعنى تصب فى مصلحة المذاكرة

معاك حق يا اسلام
يا جماعة دى حقيقة البانات معروفة
بالصبر وطول البال
انا هتبقوا امهااااااااااااااات ازاى
الواد بيعيط
لو انا هسكتوا بطريقتى
مخدر ولا حاجة
اما الام تحايل وتلعب وكدة
المذاكرة كمان
تذاكر ساعة وتقول لما اجيب الساعة التانية
اللى يحرق دمك ان الساعة التانية دى ما بتخللص
على طوووووول تجديد للساعة التانية

اي ده !!!!!!!!!!!!!!
ده انتو واثقين بقى
انا مصرة ان اكتر ناس بتذاكر الصبيان
بس هو من الآخر سواء صبيان او بنات في كده و في كده
في الولد الخبيث و في البنت الخبيثة
كله موجود

يبقى الحمد لله أخيرا اتفقنا

و رمضان كريم

لا حول ولا قوة الا بالله
الموضوع رياضي وعن ماتش الاهلي والزمالك
اتقلب مرة واحده عن الاولاد والبنات في المذاكرة
هههههههههههه

ان شاء الله الزمالك هيكسب 2\0

والله يا عبد الرحمن انت دمااااااااااااااااغ لوحدك
ماشى يا عم الكروى
بس بجد البنات معظمهم بيذاكر كتير
اما الاولاد هناك شواذ
وهم دول الدحاحين العظماء
بس كل الموضوع
والنقطة الاهم
صواريخ فى الحفظ والله بجد
منتظر ردود

اتفضل الردود يا أونلى

أنا شايف ان الأهلى هيفوز 3/0 مع الرأفة

مش دى الردود اللى انت عايزها يا اونلى ... هههههههه

أنا اتمنى فوز الزمالك بأي نتيجة ولكن المؤشرات تدل أن الأهلي هو الأفضل لعدة أسباب أهمها أن الغيابات في الزمالك كتيرة اوي .... احنا ( الزمالك ) حنلعب بـــ15 لاعب فقط منهم حارس احتياطي , يعني اللاعيبه كلها حتلعب 11 اساسي وتلاتة احتياطي معاهم عبدالمنصف
ولكن اتوقع أن المتش ينتهي بالتعادل 1-1 رغم كل ده .... وأنا إن شاء الله حروح الاستاد يوم الحد واشتريت التذاكر خلاص وإن شاء الله الزمالك يفوز

ربنا يستر

يا عم أحمد ... آخر 13 لقاء بين الفريقين ... 10منهم انتهوا بفوز الأهلى
.... 2 تعادل ... مباراة وحيدة فوز للزمالك ... هذه المباراة عندما لعب مانويل جوزيه بالصف الثانى فى نهاية الموسم المنقضى

انا بس بوضح معلومة لمجرد الإحباط ههههههههههههههه

و نتمنى التوفيق للزمالك بس مش على حساب الأهلى

اولا سلام عليكم
ثانيا اهلا مين يا عيل يا اهبل انت؟؟؟؟
المؤشرات كلها بتقول ان الزمال ان شاء الله وبئذن الله ويارب
هو اللي هايفوز
ومش عايز كتر كلام في الموضوع ده

لا سلام و لا كلام ...

طبعا الأسلوب الصفيق ده ما يطلعش إلا من واحد زيك أيها الاسبرنج العبدولى

و من الواضح للجميع ان المؤشرات اللى بتقول عليها عطلانة من أربع خمس سنين كدة

يا راجل ده انتو لسة مفعوصين من اسيك 3/0 من كام يوم

يا أخى اتكسفوا على دمكوا شوية