أعباء ... !!!

بس

يعني عايزين بقى حاجة تنسينا الباثولوجي

the big boss55 كتب:

أسوأ فترة اكتئاب مررت بها في حياتي


مايو2010

مكنتش لوحدك
الشهر ده كان شهر مايعلم بيه الا ربنا
وال مدعوقه حلوه اوى والله

الاكتئاب احيانا ليه نتائج ايجابيه برده
لا بجد تسلم ايدك يااحمد
الحاله النفسيه طلعت احساس الخنقه حلو اوى
والكلمات كلها معبره جدا

والجزئيه دى اكتر حته عجبتنى

ما عدت أعي شيئاً مما يجول حولي...

ما عدت أشمئز أو أعترض أو أبالي...

حتى كأني اعتدت الغرابة...

حتى كأني اعتدت السماجة...

حتى كأني اعتدت الحماقة...

حتى كأني اعتدت الألم والشقاء...

حتى كأني أرتاح للخوف والضياع...

وحتى كأني ما عدت أجد الهدوء...

إلا في الجعجعة والضوضاء...

نايس توبيك

مــع انــه بينقل احساس صعب أوي يا أحمد كان جواك

انمـا بصراحة جميـل جـدا جـدا جـدا
وبيعـبر عن حــزن و ضياع وحيرة
تعبير فيه قمة التعب النفسي والإرهاق العصبي

بس ده في حد ذاته محاولة من المحاولات للخروج من الشعور ده بالتعبير عنه
لأن الواحد لما يفضل كاتم في نفسه كده من غير اي وسيلة للتنفيس عن شعوره
سواء كانت رسم شعر رياضة او اي حاجة زي الخروج حتى
فعلا
بيتعب أكتـر

واهو في الاخر خلاك تبدع وتنزل نص همك ع الورق

ومعظمنا فعلا مرينا في الفترة دي بحاجات غريبة بس الحمد لله ربنا عداها على خيـر

وخرجت هي منتصرة من حربها...

مع الضعف المتمثل...

في صورة إنسان....

اعتـقد تعبيرك ده خلاك انت اللي تنتصر
عشان لو انت ضعف متمثل فعلا
مكنتش قدرت تكتب حاجة




بجد جميل جدا تاني
عايزين المره الجاية نشوف الابداع في الوجوه الاخرى من اوجه الحياة
والى الأمام دائم

دانا ...

بس

يعني عايزين بقى حاجة تنسينا الباثولوجي

حاضر سكت خلاص اهه ... مع ان الباثولوجي راحت خلاص وراحت ايامها ... ما تقلقيش...
اللي جاي احلى ..


==========

جولا ...

مكنتش لوحدك
الشهر ده كان شهر مايعلم بيه الا ربنا

ايوة والله ... مايو ويونيو من كل سنة دلوقتي أشهر الكوابيس...

وال مدعوقه حلوه اوى والله

الاكتئاب احيانا ليه نتائج ايجابيه برده
لا بجد تسلم ايدك يااحمد
الحاله النفسيه طلعت احساس الخنقه حلو اوى
والكلمات كلها معبره جدا

شكرا ليكي على كلامك الجميل

عاوزين نشوف حاجات من كتاتبتك قريب...


===========

رهف ...

بس بجد برافو عليك انك بتقدر تترجم احساسك ده فى حاجه جميله
القصيده حلوه اوى ومعانيها معبره فعلا

هوا الموضوع بسيط عموما ... لو اي حد حاول هيلقى الكلام بيجيب بعضه في الكتابة
بس انته ما تستسلمش...

شكرا ليكي ...



============

عاصي...

بس ده في حد ذاته محاولة من المحاولات للخروج من الشعور ده بالتعبير عنه
لأن الواحد لما يفضل كاتم في نفسه كده من غير اي وسيلة للتنفيس عن شعوره
سواء كانت رسم شعر رياضة او اي حاجة زي الخروج حتى
فعلا
بيتعب أكتـر

ده حقيقي جدا ... عشان كده اي حد ما يكبتش اي حاجة جاوه ويحاول يتخلص منها بأي صورة حتى ولو كان بأبسط
الصور اللي هيا ان يحكي همه لاي حد تاني ... برضه الهم لما حد يشيله معاك يبقى احسن ... حتى لو كان اللي هيشيل الهم ده كلام هتكتبه على ورق او رسم هتنقشه بريشتك ...

اعتـقد تعبيرك ده خلاك انت اللي تنتصر
عشان لو انت ضعف متمثل فعلا
مكنتش قدرت تكتب حاجة

هوا انا الحمد لله انتصرت بأمارة ما دخلت الامتحان وحليت كويس...


شكرا ليكي على ردك الجميل ومنورانا على طول والله ...

و دي اول ميزه ممكن تحسب للباثولوجي


واضح انه كان اكتئاب عنيف فعلا
بس بجد رائعه..حلوه جدا..عرفت توصل احساسك في صور ملموسه



عايزين بقى المره الجايه تبدع كده بس من غير اكتئاب

جميلة اوي يا د_أحمد
بس ده كله كنت حاسس بيه فعلا و لا ف كلام بالمناسبه يعني

و لو ده كله بتبقي حاسس بيه انا بتخيلها لو الواحد متضايق م حاجة وحاول يكتبها ممكن بدايتها تبقي تخريج لاحساسك بس بعدها اما تكتب اكتر تلاقي الهم بيزيد عن اصله وتتخنق اكتر
ف الكتابة بالذات يمكن الرسم او اي حاجة تانية لأ

ياه فكرتوني بأيام الباثولوجي يوم الامتحان العملي بتاعه تاريخ لايمكن أن أنساه 2-5-2006
كان في القصر العيني وطبعا كنا بنسافر في صبيحة نفس اليوم بس فعلا مجرد ماالامتحان انتهى الواحد حس انه عاد للحياة من جديد 100 درجة مش حاجة هينة

احساس قريب ولكن في قسط من الاطمئنان بعد امتحان الأطفال العملي


اه صحيح الفضفضة وكما سماها كاتبنا_المدعوقة_حلوة أوي الجزء ده عجبني جدا

ناء ظهري...

انثنى عودي...

انطبعت صورة أسفلت الشارع...

في حنايا شبكيتي...



ما عدت أرفع عيناي من على الأرض...

ما عاد ظهري قادراً على حمل رأسي...

ما عاد رأسي قادراً على استيعاب همي...

ياه هى الباثولوجى بتطلع كل الابداع ده
والكلمات جميله ومعبره جدا
بصراحه دى يمكن كانت اصعب فتره مرت بينا كلنا
بس اهم حاجه انها خلتك تطلع احساسك وتكتبه
والاهم انك فى الاخر انتصرت على الاحساس ده
القصيده رائعه جدا جدا
تسلم ايدك وان شاء الله المره الجايه تكون من غير اكتئاب

كنزي...



شكرا ليكي على كلامك الجميل...

عايزين بقى المره الجايه تبدع كده بس من غير اكتئاب

هحاول بس مش هوعدك ... صعب جدا في كلية الطب صراحة ان الواحد يخلص من حالة الاكتئاب اللي بقت شبه ملازمانا
على طول...

=====

عبير...

بس ده كله كنت حاسس بيه فعلا و لا ف كلام بالمناسبه يعني

يعني هوا بطبيعة الشعر دايما بيبقى فيه مبالغات وتشبيهات ممكن تقوي المعنى
اكتر من اللازم ... والا كان هيبقى ايه الفرق بين الشعر والكلام النثري العادي..

و لو ده كله بتبقي حاسس بيه انا بتخيلها لو الواحد متضايق م حاجة وحاول يكتبها ممكن بدايتها تبقي تخريج لاحساسك بس بعدها اما تكتب اكتر تلاقي الهم بيزيد عن اصله وتتخنق اكتر

ده حقيقي فعلا وفي كتاب حصل معاهم كده فعلا ... ديستوفسكي مثلا عميد الأدب الروسي كان بيكتب روايات اجتماعية
وكان بيظهر فيها حالات صعبة جدا أدت بعدين لاكتئابه اكتر واكتر ...

شكرا ليكي على ردك الجميل...

=====

الأمل المشرق...

شكرا ليكي على كلامك الجميل يا فندم ...

ياه فكرتوني بأيام الباثولوجي يوم الامتحان العملي بتاعه تاريخ لايمكن أن أنساه 2-5-2006
كان في القصر العيني وطبعا كنا بنسافر في صبيحة نفس اليوم بس فعلا مجرد ماالامتحان انتهى الواحد حس انه عاد للحياة من جديد 100 درجة مش حاجة هينة

عقبالنا يا رب لما نخلص زي حضرتك خالص كده...

وكما سماها كاتبنا_المدعوقة_

هوا ده وصف القصيدة ... هيا اسمها "أعباء" والحقيقة اني لما اعدت قرايتها دلوقتي
قبل ما افكر في النشر حسيت قد ايه هيا كانت صعبة في كلامها وما تستاهلش وصف إلا بالـ "مدعوقة "

=====

سما ...

شكرا ليكي على كلامك الجميل ...

بصراحه دى يمكن كانت اصعب فتره مرت بينا كلنا
بس اهم حاجه انها خلتك تطلع احساسك وتكتبه

فعلا دي حقيقة ... بس زي ما بيقولوا كده المعاناة بتخلي الواحد يقول حاجات
ممكن يتقال عليها ساعات معبرة زي ما حضرتك بتقولي او مبالغة زي ما ناس تانية شافت...

منورانا يا فندم ...

جـــــــــــــــــامده جداااااااااا يا أحمد

بصراحه رائع وأسلوبك في التعبير عن اللي جواك جميــــل



يا تـرى بقى الابـداع ده موجـود في أي وقـت ولا لازم تحت ضغـط

أصل انا بصراحه مش بعرف أكتب غير لو نفسيتي مش متظبطه



تسلــــــــــــــــــم ايـــــــــــــــــدك

أسيرة حب الله

شكرا جدا على كلامك الجميل ...

يا تـرى بقى الابـداع ده موجـود في أي وقـت ولا لازم تحت ضغـط

أصل انا بصراحه مش بعرف أكتب غير لو نفسيتي مش متظبطه

هيا مزاجات عموما ... انا عن نفسي بكتب وانا مبسوط او زعلان مش فارقة كتير
بس لازمة تبقى فيه مناسبة اكتب فيها او عنها والا الكلام بيطلع مش حقيقي...
الأحاسيس الحقيقية بتبان فعلا في الكلام وبتأثر على قوته ... أظنك فاهماني بما انك بتكتبي وكده ...