الرئيسية
من طرف الأمل المشرق السبت 27 فبراير - 18:15:01- ايه هى المهارات الاساسية اللى لازم تتعلمها عشان هتحتاجها باستمرار كطبيب او بالاخص هتحتاجه كثير فى الامتياز
1- سحب العينات و الكانيولا 2-(abg)
3-غسيل المعدة 4- (cpr)
5-القسطرة خلى بالك لو فيميل
و (virgin) ماتعملهاش الا لو انت متمكن هى سهلة و كل حاجة بس الغلطة بكارثة
- اخطر حاجة احب احذرك منها هى الشكشكة كثير مننا عشان مبتدئين ممكن يشك نفسه وهو بيدى العيان ولا بيسحب معامل و لا بيخيط عيان يشك نفسه و انتوا عارفين ان فيروس سى عندنا حدث و لا حرج و كذلك الايدز موجود بكميات قليلة عشان كدة خللى بالك
و عشان تتجنب الشكشكة فى الابرة غطى الحقنة صح يعنى ايه
يعنى تحط الغطاء على الترابيزة و بايد واحدة تدخل السن فى الغطاء و لما تيجى تقفل الغطاء او تقرط عليه يعنى تمسك الغطاء من الجنب مش من فوق عشان ممكن يكون الغطاء نفس مخروم
1- سحب العينات و الكانيولا 2-(abg)
3-غسيل المعدة 4- (cpr)
5-القسطرة خلى بالك لو فيميل
و (virgin) ماتعملهاش الا لو انت متمكن هى سهلة و كل حاجة بس الغلطة بكارثة
- اخطر حاجة احب احذرك منها هى الشكشكة كثير مننا عشان مبتدئين ممكن يشك نفسه وهو بيدى العيان ولا بيسحب معامل و لا بيخيط عيان يشك نفسه و انتوا عارفين ان فيروس سى عندنا حدث و لا حرج و كذلك الايدز موجود بكميات قليلة عشان كدة خللى بالك
و عشان تتجنب الشكشكة فى الابرة غطى الحقنة صح يعنى ايه
يعنى تحط الغطاء على الترابيزة و بايد واحدة تدخل السن فى الغطاء و لما تيجى تقفل الغطاء او تقرط عليه يعنى تمسك الغطاء من الجنب مش من فوق عشان ممكن يكون الغطاء نفس مخروم
- بمناسبة التحذيرات برضة احبك احذرك من التمريض هما فى كثير منهم محترمين سواء فى شغلهم او طريقة تعاملهم مع الدكاترة خاصة انهم بيحسوا انك اصغر منهم او قد عيالهم فى بعض الاحيان و مع ذلك بتترسم عليهم و كمان بيحسوا انهم شغالين فى المستشفى من و انت لسة بيبى صغير فمش هتيجى تعد عليهن
و خللى بالك من نقطة انهم هيعلموك حاجات كثير بحكم الخبرة سواء فى الشغل او حتى التعامل مع العيانين
عاملهم باحترام و بود و خليهم يحترموك
بس مش معنى كدة انك برضة تسيب العملية سداح مداح و هى تقولك يا ميدو و انت تقولها يا ميمى و يا توتا لا انت اسمك دكتور فلان و هى اسمها مدام فلانة او ميس فلانة على فكرة كلمة ميس دى بيحبوها اوى
- تحذير تانى خللى بالك من الحرامية و النشالين حافظ على حاجتك و ضع امتعتك امامك
- كفاية تحذيرات نقول نصايح النائب و الممرضة و العمال عليهم اوفر لود ارحمهم و ساعدوا بعض مش انت لوحدك اللى مخنوق
-النايب اللى هتشيله فى يوم صعب او يوم ديرتى تانى يوم هياخدك من ايديك يعلمك
-حاول تحضر فى الاستقبال و الطوارئ عشان تتعلم تتعامل مع الحالات(hot)و حاول تقف فى العيادات الخارجية عشان تعرف تتعامل مع الحالات(cold)
- فى كل قسم هتروحه تركز على حاجتين مهمين اوى انا شايف ان المفروض امتحانات كلية الطب كلها فى اى مادة تركز عليهم و يبقوا 90% من الامتحان اللى هما حاجتين اولا الحالات الشائعة ثانيا حالات الطوائ
الحالات الشائعة عشان هتقابلك كل يوم يعنى الترجيع فى الاطفال و تنظيم الاسرة للسيدات و على هذا المنوال و الطوارئ عشان انت لو مالحقتش العيان ماحدش هيلحقه واحد عنده هيماتيميسيس تعرف تلحقه ازاى واحدة عندها (pervaginal bleeding)المقصود ان فى كل حتة هتروحها تتعلم فيهم الطوارئ و الحاجات الشائعة
-عيانين القصر العينى معظمهم غلابة و معظمهم حالاتهم صعبة فعلا عاملهم بحب و بحنان و كلمة واحدة ممكن تخفف الام كثير و دعوة منهم هتخليك منتعش طول اليوم
- العيانين برضة ليهم كرامة و ليهم عوارات ياريت نحافظ عليه يعنى مثلا عيان فى غيبوبة و هتركب له قسطرة ماتنساش تقفل الستارة عليكوا قبل ماتعمل اى حاجة
-متنساش تاخد تطيعم الكبد الوبائى
و متنساش تغسل ايدك بين كل عيان و الثانى
و متنساش الجلفز
-رغم كل الصعوبات اللى ذكرتها و اللى ماذكرتهاش و رغم التعب اللى تعبناه و اللى لسة هنتعبه و رغم المشاكل بتاعة مهنتنا و المشاكل بتاعة الحياة بس انت فى الاول و فى الاخر اسمك دكتور
او خلينى اقولهالك زى ماكان العبقرى الرائع دكتور حسام موافى بيقول انت (حكيم) يعنى تعرف ازاى تتعامل مع العيان و تقنعه بالعلاج و تعرف ان العيان جسد و روح لازم تعامل الاتنين و تعلاجهم و تعرف امتى تكتب العلاج الغالى و امتى ماتكتبوش يعنى عاين مش لاقى ياكل تقوله هات بلافيكس ب 200 جنيه ماتديله اسبرين وخلاص حكيم بكل ما فى الكلمة من معنى انت ليدر لفريق طبى كامل او منظومة كاملة فيها ممرضة و عمال و فنيين و مستقبلا هيكون تحت ايديك دكاترة لازم تبقى حكيم مش مجرد دكتور و بس
مهنتنا يا دكاترة مفيهاش تأليف اوعى تتكسف و تفتى من غير ماتعرف اعمل على طول ريفير للى اعلم منك اتذكر حتى الان كلمة لدكتور مجدى يعقوب بيقول انا شغال عند العيان لو مفيش عيان انا مش هيبقى ليا دور فى المجتمع
-مهنتنا يا دكاترة اصعب مهنة و اهم مهنة اى واحد ممكن يغلط فى اى مهنة و يصلح غلطه او يستشير لكن انت غلطتك العيان هو اللى هيشيلها و فى احيان كثير بيبقى ماعندكش وقت تستشير
و اخر حاجة متنساش ان مهنتنا دى اهم حاجة فيها النية و من احياها فكأنما احيا الناس جميعا
منقول عن موقع خاص بالقصر العيني
طبعا في توبيك منفرد
