الرئيسية
سبحان الله فرق رهيب بين الساعة 9 ونص يوم السبت والنهارده
سبحان مغير الاحوال فعلا
اللي يشوف الناس في الشوارع يقول ان البلد خسرت حرب مش ماتش كورة
مش عارف على ايه ده كله
هما نصيبهم انهم يصعدوا ويستحقوا
احنا التصفيات كلها في 6 ماتشات ملعبناش ماتش عدل
يعني انا مكنتش بتفرج عليهم بس كنت بتفرج على ماتشاتنا مفيش ماتش حلو
والنهارده كان ختام مثالي للاداء الزفت
بداية غبية جدا يعني انت فريق راكبه معنويا انزل اضغطه من اول دقيقة هتركب الماتش انما نازلين خايفين وسبناهم يمسكوا كورة وياخدوا ثقة
وبعد كده دخل فينا جون عادي جدا لسه شوط كامل نعوض فيه
تغيير ميتقالش عليه غير انه أحمق انا مش عارف انهي عاقل يطلع عمرو زكي في ماتش زي ده يعني عايز تنزل زيدان نزله مكان ابو تريكة اللي باين من اول الماتش انه ملعبش كورة عدلة ومش ماشية معاه يبقى يخرج مش قانون هو
وبعد كده أحمد حسن سايبه في الملعب ليه واحنا خسرانين لعيب بيقتل الملعب ببطئه
ومطلع أحمد فتحي وسايب المحمدي لاعب العاب القوى
والحمد لله مدرب الجزاير برضه كان متخلف ورجع اللاعيبة كلها نص ملعبه فرصة انك تزنقه في نص ملعبه وتطحنه لحد ما هتفلت منهم كورة لكن ازاي ... كل لعبة كنا بنحضر اكتر من دقيقة باصات بالعرض بين المدافعين يا عم العب كورة طويلة وخلاص اينعم انت خرجت الوحيد اللي ممكن ياخدها بس اهي تعمل دربكة وتسقط ونلعب في منطقتهم لحد ما نتعادل
وطبعا فرق في الجمهور رهييييييييييييييب
جمهور الجزاير كله شباب وتشجيع من اول دقيقة لاخر دقيقة بيهزوا الملعب
احنا جمهورنا سعد الصغير وايهاب توفيق وفردوس عبد الحميد ونهال عنبر وكله رايح عامل حسابه على مكسب ويزيط في الزيطة ويطلع يقوله كلمتين ومساندة المنتخب ووشك حلو يا فنان لكن في النهاية البس يا فنان نحست الفرقة
من الاخر اللي يستحق يصعد هو اللي صعد وهما يستحقوا من الماتش اللي فات لكن ربنا خفف عنا الصدمة لانها كانت هتبقى مذلة اكتر بكتييييييييييييييير لو الخروج كان في القاهرة
الحمد لله على كل حال واحنا خسرنا ماتش كورة ولسه البلد مستقلة الحمد لله
ــــــــــــــــــــــــــــــــــــــ
ملاحظة أخيرة
يا ترى بكره في الكلية هيبقى الزي الرسمي ايه اسود ولا عادي محصلش حاجة ولا هتستمر المساندة بعلم مصر
مش عارف من امتى والناس دي بتتفرج على كورة
عجايب
سبحان مغير الاحوال فعلا
اللي يشوف الناس في الشوارع يقول ان البلد خسرت حرب مش ماتش كورة
مش عارف على ايه ده كله
هما نصيبهم انهم يصعدوا ويستحقوا
احنا التصفيات كلها في 6 ماتشات ملعبناش ماتش عدل
يعني انا مكنتش بتفرج عليهم بس كنت بتفرج على ماتشاتنا مفيش ماتش حلو
والنهارده كان ختام مثالي للاداء الزفت
بداية غبية جدا يعني انت فريق راكبه معنويا انزل اضغطه من اول دقيقة هتركب الماتش انما نازلين خايفين وسبناهم يمسكوا كورة وياخدوا ثقة
وبعد كده دخل فينا جون عادي جدا لسه شوط كامل نعوض فيه
تغيير ميتقالش عليه غير انه أحمق انا مش عارف انهي عاقل يطلع عمرو زكي في ماتش زي ده يعني عايز تنزل زيدان نزله مكان ابو تريكة اللي باين من اول الماتش انه ملعبش كورة عدلة ومش ماشية معاه يبقى يخرج مش قانون هو
وبعد كده أحمد حسن سايبه في الملعب ليه واحنا خسرانين لعيب بيقتل الملعب ببطئه
ومطلع أحمد فتحي وسايب المحمدي لاعب العاب القوى
والحمد لله مدرب الجزاير برضه كان متخلف ورجع اللاعيبة كلها نص ملعبه فرصة انك تزنقه في نص ملعبه وتطحنه لحد ما هتفلت منهم كورة لكن ازاي ... كل لعبة كنا بنحضر اكتر من دقيقة باصات بالعرض بين المدافعين يا عم العب كورة طويلة وخلاص اينعم انت خرجت الوحيد اللي ممكن ياخدها بس اهي تعمل دربكة وتسقط ونلعب في منطقتهم لحد ما نتعادل
وطبعا فرق في الجمهور رهييييييييييييييب
جمهور الجزاير كله شباب وتشجيع من اول دقيقة لاخر دقيقة بيهزوا الملعب
احنا جمهورنا سعد الصغير وايهاب توفيق وفردوس عبد الحميد ونهال عنبر وكله رايح عامل حسابه على مكسب ويزيط في الزيطة ويطلع يقوله كلمتين ومساندة المنتخب ووشك حلو يا فنان لكن في النهاية البس يا فنان نحست الفرقة
من الاخر اللي يستحق يصعد هو اللي صعد وهما يستحقوا من الماتش اللي فات لكن ربنا خفف عنا الصدمة لانها كانت هتبقى مذلة اكتر بكتييييييييييييييير لو الخروج كان في القاهرة
الحمد لله على كل حال واحنا خسرنا ماتش كورة ولسه البلد مستقلة الحمد لله
ــــــــــــــــــــــــــــــــــــــ
ملاحظة أخيرة
يا ترى بكره في الكلية هيبقى الزي الرسمي ايه اسود ولا عادي محصلش حاجة ولا هتستمر المساندة بعلم مصر
مش عارف من امتى والناس دي بتتفرج على كورة
عجايب
