مبروك ... مبروك ... مبروك ... مبروك عليكم و علينا

hazem&zamalek كتب:

انا مش مصدق نفسي

الزمالك لعب كورة زي باقي فرق العالم

والجول مش من فاول ولا ضربة جزاء

وعبد الرؤوف مصاب وغانم ملعبش وابو العلا كان برا

الله اكبر
النهارده يوم تاريخي

وتحية كبيرة طبعا لاسلام على الروح الرياضية العالية دي والتحليل الرائع

ده أقل واجب يعنى .... دى الدنيا اتقلبت يا راجل علشان الحدث التاريخى ده


وان شاء الله الأهلي يطلع من كبوته دي بسرعة بدل ما الفرق كلها بتحط عليه كده

لكل جواد كبوة يا كبوة

rahf كتب:

الف مبرووووووك لكل الزمالكاويه
كنتوا تستاهلوا الفوز امبارح وقدمتوا مستوى افضل بكتير من الماتشات اللى فاتت والمدهش ان الزمالك فاز على فريق منظم زى انبى فى غياب معظم اللاعبين الكبار (الظاهر ان هما كانوا سبب المشكله) بس ياريت تكون المره دى فعلا بدايه حقيقيه وترجعوا لمستواكم عشان نشوف منافسه بقى بدل الملل ده

ما شاء الله يا رهف ... انتى متابعة الدورى تمام

وبالنسبه للاهلى فما تخافوش عليه الاهلى قادر انه يحسم البطوله وينسى ال3ماتشات اللى فاتوا ولعيبه الاهلى بيظهر مستواهم الحقيقى وقت الشده وبيكونوا رجاله وعلى اد المسؤليه بس احسن حاجه ان الدورى السنه دى هيبقى مشتعل لحد اخر ماتش بعد ماكان بيخلص فى الاسبوع 25عشان حتى لما الاهلى يفوز بالدورى ان شاء الله يبقى ليه طعم
ومعلش انى طولت عليكم

أكيد الأهلى هيستفيد من الماتشات اللى فاتت لأن الفريق يقدر يعمل أكتر من كدة
و فعلا الدورى كدة شعلل ... و يمكن جوزيه يخسر رهانه على إنه يكسب الدورى بفارق كبير
بس الأهلى قادر يخلص ... و الماتشات الجاية هتبقى مولعة

بس بمناسبة الأسابيع ... الأهلى كان بيخلص الدورى من بعد الأسبوع العشرين
و ما كانش حتى بيستنى الأسبوع العشرين ... بس كدة أحسن

نورتى يا رهف بتحليلك الكروى الجميل

Dr/Abd elrahman كتب:زمالكاااااااااااوي اوووووووووووووووه

زمالكااااااااااااااوي اهووووووووه

Dr.Ahmed كتب:

واضح جداً أن ده شغل الكابتن محمود سعد .. اللي أثبت أن الالتزام والإنضباط والأخلاق أهم بكتير من المهارات الفردية من لاعبين ماعندهومش الحماسة والغيرة أو الإحساس بالمسؤولية ..

بس من الرغم من كده الناشئين دول عايزين أرصة ودن كده قبل ما يتغرو بنفسهم ..

وشكراً يا إسلام على الروح الرياضية دي ..

ولع مية .. اطفي بجاز .. الزمالك في الممتاز

كلام تمام يا أحمد .... بيب بيب بيب بيب ... الزمالك مش هيغيب

dr-jeudy.zamalek كتب:كان المفروض ارد بدرى عن كده لكن الظروف منعتنى طبعا الف مبرووووووووووووووك انا فعلا كنت فى اسعد حالاتى وشكرا يا دكتور على روح حضرتك الرياضية

dr-jeudy.zamalek كتب:نسيت ابعت تحياتى لاحمد الميرغنى وعلاء على وحازم امام الصغير حتى لو ملعبش كفاية انه على اسم الكابتن الكبير والتعلب الصغير حازم امام

lollae كتب:طيب بما ان الناس اللي هنا كلهم زمالكويه فانا مطلوب مني اني مفتحش بقي
على العموم الف مبروووووووووووووووووووك
وعقبال السنه اللي بعد اللي جيه

dr-jeudy.zamalek كتب:على فكرة الزملكاوية اللى يتعدوا عالصوابع كلهم بيشجعوا الزمالك فعلا على عكس الاهلاوية اللى كتير منهم بيشجع بالوراثة او مع الاغلبية

الاهلى بردو اتعادل امبارح مع الشرطة مع إننا كنا طاحنينهم طول الماتش ... بس خيرها فى غيرها

يا رجل كنت طاحن مين بس

قول كلام غير ده

ده هي كورة واحدة ع الجول طول الماتش بتاعة احمد حسن وكروة تانية لبلال قعد يعدلها بتاع نص ساعة لحد ما الباك حط رجله

والشرطة ليهم كورة في العارضة

يعني التعادل نتيجة زي الفل

انا مشفتش ماتش النهارده للاسف لاني كنت في كورس بس الحمد لله سمعت ان الزمالك مكنش وحش

هو اينعم لعب احمد غانم تاني بس مش مشكلة

ومن الكلام اللي سمعته بعد الماتش كله بيقول ان الزمالك كان يستحق ع الاقل تعادل

بالمناسبة ... عماد متعب نجم نجوم خط الهجوم فى مصر لعب امبارح مع فريقه و احرز هدفين حكاية

هو مين ده اللي نجم هجوم مصر

وانهي هدفين اللي حكاية

فيهم واحد كويس وواحد كفتة

انت ممكن تقول نجم نجوم هجوم مصر في السعودية

hazem&zamalek كتب:

بالنسبة لحتة جمهور الاهلي والزمالك

لو جمهور الأهلي 50 مليون منهم حوالي 15 مليون بيفهموا

ولو جمهور الزمالك 15 مليون منهم حوالي 10 مليون بيفهموا


انت حلو و كميل

الاهلى بردو اتعادل امبارح مع الشرطة مع إننا كنا طاحنينهم طول الماتش ... بس خيرها فى غيرها

يا رجل كنت طاحن مين بس

قول كلام غير ده

ده هي كورة واحدة ع الجول طول الماتش بتاعة احمد حسن وكروة تانية لبلال قعد يعدلها بتاع نص ساعة لحد ما الباك حط رجله

والشرطة ليهم كورة في العارضة

يعني التعادل نتيجة زي الفل

انت شايف الملخص و جاى تتكلم ... يا راجل دول كانوا مضغوطين فى وسط ملعبهم طول الشوط الاول

انا مشفتش ماتش النهارده للاسف لاني كنت في كورس بس الحمد لله سمعت ان الزمالك مكنش وحش

هو اينعم لعب احمد غانم تاني بس مش مشكلة

ومن الكلام اللي سمعته بعد الماتش كله بيقول ان الزمالك كان يستحق ع الاقل تعادل

بص زى ما النقاد قالوا ... الزمالك فاز الشوط التانى

بالمناسبة ... عماد متعب نجم نجوم خط الهجوم فى مصر لعب امبارح مع فريقه و احرز هدفين حكاية

هو مين ده اللي نجم هجوم مصر

العمدة يالا

وانهي هدفين اللي حكاية

فيهم واحد كويس وواحد كفتة


تصدق بقى انت بدات تحيص فى الزحمة ... الجون التانى صعب من الاول لو بتفهم فى الكورة


انت ممكن تقول نجم نجوم هجوم مصر في السعودية

نجم نجوم المنتخب يا طارق يا تييييييييييييييييييييت
بشهادة المعلم نفسه ... متعب حسن راس حربة فى مصر بيتحرك من غير كورة ... و هداف بالفطرة