FDSG الجروب العلمي

بسم الله

السلام عليكم ورحمة الله



ازيكم يا جماعه , ايه رأيكم نعمل جرووب علمي هنا على الموقع , نعمل معاه مشاريع ومزكرات وكل الحاجات العلميه دي , كليتنا صغيره وسهل اوي اننا نكون في كل حته فيها , في المكتبات وفي الكليه وحتى في المزكرات اللي بيذاكروا منها وكمان لما يزهقوا من المزاكره يدخلوا عندنا الموقع عشان تفرفش وكده



اللي عندوا افكار ومشاريع جديده وعايز يشارك في الجروب يقولنا هنا



وانا هابدأ بالمشاريع القديمه جدا جدا جدا بس ممكن نعملها تاني بإسمنا ونعمل في المكتبات ركن خاص بالمزكرات اللي هانعملها والحاجات دي

• اول حاجه مشروع مذكرة الامتحاانات , عندي ليها افكار جديده لكل الدفعات
  
• تاني حاجه مشروع مزكرة أسئلة الشفوي , الدكاتره عندنا بيقلوا كل سنه ورا التانيه , والشفوي ده تووووهان كبير وكل الدكاتره بيعيدوا اسألتهم , لو جمعناها هايبقى امتحان الشفوي ده رحله
  
• تالت حاجه مشروع الأبحاث , نجمع فيه كل الابحاث المتلتله اللي بتتعمل في الكليه عشان بعد كده اللي عايز يعمل بحث او خلافه يدخل عندنا يمكن يلاقي واحد زيه وينقله او حتى يستفاد من الافكار على الاقل
  
• رابع حاجه مشروع اسئلة وتجارب العملي ... هانتكلم فيها بعدين
  
• خامس حاجه انا كنت وعدتكوا بيها وهيا موقع نتيجة الكليه اللي كنا عاملينه في شباب رساله , بس طبعا هانطوره ونجدده ونحافظ على النتايج اللي فيه سنه سنه
  

ادي يا عم واحد طلع خمس مشاريع ممكن تبهدل الكليه , ورونا بقى هانوصل لكام في الجروب ده



مطلوب طبعا من ادارة الموقع تساعدنا وتنشر الموضوع ده بايميلات للاعضاء لو ينفع طبعا , وكمان ياسلام لو عملنا للجروب ده قسم خاص عشان الاعضاء يتكلموا في المشاريع ونعلن كمان عن المشاريع والحاجات اللي هاعملها فيه



نسيت اقول حاجه انا عملت اسم مختصر للموقع من زمان بس نسيت اقولكم عليه future-dr.co.cc



ياللا يا جماعه عشان لسه عندنا جرووبات كتيره هانعملها ... جروب اعمال خيريه وجروب رحلات ... وسنتنا فل بعون الله , صاحبكم فاضي هايفكرلكوا وانتوا تعملوا والعكس طبعا



اخيرا بقى كنت عايز اشكر الجماعه اللي اساميهم بالاحمر هنا , انا ما اعرفش بصراحه هما عملوا الدنيا دي هنا ازاي كده في الوقت ويشرفني اني اكون مع اخواتي الصغيرين هنا



سلام

فكرة جميلة جدا .... الجروب ده هيشتغل امتى؟

بصراحه فكره فى منتهى الروووعه
وهتبقى مفيده قوى وجميله وياريت فعلا نهتم بيها
بس زى ماقالت كنزى ايه اول خطوه
وعموما انا موافقه ومستعده اشارك معاكم ان شاء الله
وشكرا يادكتور ع الافكار الجميله دى

الخطه كويسه قوى
وانا مستعده اشارك فى موضوع مذكره الامتحانات انا معايا كارنيه وممكن اجيب الورق من المكتبه
بس هو هيكون لكل الدفعات ولا ايه بالظبط؟

السلام عليكم
ازيكم يا جماعه
مش انتى اللى هنا لوحدك يا لايف ومش هيبقوا بس سته
لا دول بقوا سبعه خلاص
بجد ميرسى ليك يا د. صبرى على الفكره الجميله دى
وان شاء الله نقدر ننفذها ونقدر نعمل كل اللى فى وسعنا

اولا بالنسبة لموضوع الموقع فخلاص كنزي ود- عبد الرحمن تقريبا هيتصرفوا في موضوع الشرا دا
وبالنسبة لموضوع الجروب ده فبجد فكرته تحفة باشكر حضرتك جدا يا دكتور عليها
وانا معاكم ان شاء الله
وانا ورهف ولينا باذن الله هنتصرف في موضوع دفعة سنة اولى

سلام عليكم
بصراحة د-صبري فعلا في مشاكل في موضوع الورق وهي اننا اصلا معانا مذكرة امتحان فعلا اتعملت السنة دية في شهر 10 تقريبا كمان وفيها امتحانات ال8سنين اللي فاتوا ده طبعا مش عارفة اكيدهيأثر على فكرةعمل المذكرةولا لا
بصراحة احنا كنا فاهمين انها هتختلف علشان كدةما اتكلمناش من الاول مش عارفةبقى بصراحةايه اللي المفروض يحصل دلوقتي

يا دكتور ليه حضرتك اخدت الكلام كدة
طبعا مذكرة الامتحان فكرة جميلة ومفيدة لاي طالب وبنشكر حضرتك عليها جدا
كل الحكاية اننا خفنا ان بعد المجهود اللي هيتعمل فيها ما تنجحش لان الطلبة معاهم مذكرات تانية واكيد المكتبة برضه ناوية كل سنة تضيف عليها جديد
وبكدة فضلنا نقول لحضرتك لان حضرتك مش متواجد في الكلية وما تعرفش بس كدة
واكيد طبعا لو فيه افكار جديدة الكل هيشارك برضه لانها حاجة مفيدةو جميلة يا ريت تكملوا فيها