صفعة عثمانية من اردوغان لبريز في دافوس

في حين ظل حكام العرب منحني الرؤوس في انتظار مرور العاصفة الصهيونية وقف هذا الحر حفيد الامبراطورية العثمانية في مهب الريح وقال لااااااااا في وجه رئيس اعتى دول العالم .لقد غادر اردوغان رئيس الوزراء التركي المؤتمر الاقتصادي السنوي في دافوس السويسريه ليدخل التاريخ من اوسع ابوابه.ذلك عندما حادثه شيمون بريز الرئيس الصهيوني بحده(كانه بيخوفه :23: )واخذ في سرد مبرراته الواهيه في الحرب التي شنها على غزة وللاسف لاقى قبولا وتصفيقا من عدد كبير من الحضور وعندما اراد اردوغان الرد عليه قاطعه المنظم للمؤتمر بحجة ضيق الوقت على الرغم من انه افسح المجال واسعا امام بريز .عندها ترك اردوغان المؤتمر وقال انه لن يعود لدافوس مره اخرى لانهم لا يتركونه يقول ما يشاء.غادر المؤتمر تاركا بريز غارقا في مقعده من الخجل والذهول (ده طبعا لان اردوغان عطاه كلمتين على دماغه قبل مايطلع ) .فتحية اكبار لهذا الرجل.

موضوع رائع يا مصري بصراحة....بس ارودغان حقيقة من بداية الحرب على غزة والراجل عجبني اوي في كل تصريح اعلنه وقاله لان كلامه وتصاريحه تتسم بالشجاعة...خاصة خطابه اللي وجهها لمجلس الامن ..ع العموم ده موقف مش غريب على اردوغان "الشجاع" وبصراحة اللي لفت نظري في الموضوع ده الشعب التركي اللي راح استقبله استقبال الابطال في المطار دليل ان كلام اردوغان لبيريز لا يمثل رؤية شخصية بل انعكاسا لرأي عام تركي ....وشكرا يا مصري ع الموضوع الرائع ده

انتوا عارفين
عمرو موسي قام وسلم عليه وهو ماشي وفضل شويه كده بيفكر ينسحب هو كمان ولا لا
وطبعا في الاخر شده بان كي مون وقعده يا كبدي
بس اردوجان راجل راجل يعني
تحيه لاهل تركيا ومهند ونور وكل الرجاله

لا بجد موضوع جميل وفيه لفتة حلوة للشخصية الجميلة دية شكرا لحضرتك على الموضوع
بصراحة فعلا الشخص ده يستحق الاحترام والتقدير مش علشان هو وقف جنب غزة لا وانما علشان كان شجاع في وقت انتشر فيه الجبن ودافع عن رأيه ووجهة نظره والقضية اللي اتبناها من غير خوف ودية اهم حاجة (الشجاعة وعدم الخوف) هيحلوا مشاكل العالم كله
ربنا يهدي الجميع

اعتقد أن كل واحد لازم يبدأ بنفسه ويغير من نفسه ولازم نكون واثقين في أن الله لن يضيعنا و أن احنا كده كده حننتصر عاجلاً أو آجلاً ..
معاك حق ولازم نعرف ان حل مشاكلنا لازم يبدا من نفسنا وان عمر ما تركيا ولا غيرها هيقدروا يصلحوا حال العرب طول ما كل واحد فينا مشغول عن عيوبه بعيوب الناس

وبصراحة اللي لفت نظري في الموضوع ده الشعب التركي اللي راح استقبله استقبال الابطال في المطار دليل ان كلام اردوغان لبيريز لا يمثل رؤية شخصية بل انعكاسا لراي عام تركي
حتى من غير استقبال الحمد لله كلنا عارفين موقف الشعوب الاسلامية خاصة والعالم كله عامة تجاه اسرائيل وافعالها وكل امثالها لكن للاسف الشعب في وادي والزعماء في وادي :34: .....................

انتوا عارفين
عمرو موسي قام وسلم عليه وهو ماشي وفضل شويه كده بيفكر ينسحب هو كمان ولا لا
وطبعا في الاخر شده بان كي مون وقعده يا كبدي
بس اردوجان راجل راجل يعني
تحيه لاهل تركيا ومهند ونور وكل الرجاله
ايوه للاسف عارفين
انا كل ما اشوف مقطع الفيديو يبقي نفسي امسح اخر جزء فيه بس للاسف حتى لو مسحته التاريخ هيفضل حافره في عقول العالم كله
بس حضرتك غلطت في حاجتين اولا نور مش رجاله ثانيا مهند ميستحقش يتحسب ضمن الرجاله خصوصا لما نكون بنتكلم عن راجل بجد زي اردوغان

(الشجاعة وعدم الخوف) هيحلوا مشاكل العالم كله
معاكي حق يادكتورة بس لازم الشجاعة دي يكون معاها عقل مدبر يوجهها صح وشكرا لحضراتكم جميعا على المرور

بجد تحية لكل من وقف بشجاعة و قال لا بأعلى صوت أمام كل العالم

هل ما حدث فى غزة يختلف عليه اثنان و على جرائم الحرب التى ارتكبت؟؟؟... بالطبع لا

و لكن تأتى المؤتمرات العالمية و حتى مجلس حقوق الإنسان غير قادرين على الاعتراف بذلك


موقف أشبه بصورة قديمة شاهدتها فى أحد الأفلام
صورة لثلاثة قرود يجلسون ...
الأول واضعا كفيه على أذنيه(ليدعى الصمم)
والثانى واضعا كفيه على عينيه (ليدعى العمى)
و الثالث واضعا كفيه على فمه (فهو لا يتكلم)

فعلا صورة معبرة جدا ... و لكن تحية إجلال و تقدير لكل من قال لا
و لكل من مات ليحيا و لم يحيا ليموت