من طرف Dr.Ahmed الجمعة 28 نوفمبر - 21:06:47
انتو يا جماعة مش متفائلين ليه ...
احنا حنلاعب البرازيل يوم 15 /6 بإذن الله وفي المتش ده اعتقد ان احنا مش ملزومين بالفوز ولكن يكفي تقديم مستوى مشرف أمام البرازيل واتوقع فوز البرازيل بفارق هدف على مصر بالعافية
وبعد كده حنلعب مع ايطاليا يوم 18/6 إن شاء الله وساعتها احنا مطالبين بالتعادل على الأقل واتوقع انتهاء المباراة بالتعادل الايجابي
آخر متش لينا في الدور الاول ( وغالباً في البطولة ) مع امريكا يوم 21/6 واتوقع فوز مصر بفارق هدف
وساعتها يبقى تخرج مصر ب 4 نقط وبأداء مشرف وكده يبقى اشطه وتتأهل البرازيل كأول ب 7 نقط وايطاليا ب 5 نقط ومصر ب 4 نقط وامريكا بلا نقاط من المجموعة التانية
والنهائي حيبقى بين البرازيل وأسبانيا
وأنا حشجع ساعتها أسبانيا عشان البرازيل غلبتنا
بس في نقطة محدش اتكلم عليها هنا ... وهي مجاملة جنوب افريقيا في القرعة بطريقة مستفزة
المجموعة الاولى كلها فرق ضعيفة ماعدا اسبانيا ( اسبانيا وجنوب افريقيا والعراق ونيوزلندا )
بس بيني وبينكم كده احسن لأن احنا اتعودنا نكسب في بطولة افريقيا فلازم نتجرأ شوية ونلاعب فرق كبيرة ومش مهم
نخسر المهم الأداء والتمثيل المشرف واننا نكتسب الخبرات
وعلى فكرة لو فعلاً بلاتر رشح مصر للفوز بالبطولة يبقى حلو اوي لو مصر طلعت بنقطة من أي مباراة .. لأن عم بلاتر عمره ما قال كلمة صح في حياته
الرئيسية
