يهتم بمتابعة أخبار الكلية و التناقش بين الطلاب حول الموضوعات التي تهم طلاب الطب بوجه عام وطلاب طب الفيوم بصورة خاصة


    رايح سنة أولى...تعالى اقرالك كلمتين ينفعوك ...!!

    شاطر

    تصويت

    اللي اتخرجوا من سنة أولى...إيه رأيكو فيها

    [ 1 ]
    10% [10%] 
    [ 5 ]
    50% [50%] 
    [ 0 ]
    0% [0%] 
    [ 2 ]
    20% [20%] 
    [ 2 ]
    20% [20%] 

    مجموع عدد الأصوات: 10

    the big boss55
     
     

    ذكر

    تاريخ التسجيل : 08/08/2008
    رقم العضوية : 15
    عدد المشاركات : 552
    العمر : 27
    نقاط : 4070
    إحترام القوانين :

    كلمة : والال

    المهنه :

    مزاجي :

    بلدي :



    جيد جدا رايح سنة أولى...تعالى اقرالك كلمتين ينفعوك ...!!

    مُساهمة من طرف the big boss55 في الإثنين 8 سبتمبر - 19:23:33

    بسم الله الرحمن الرحيم
    ----------------------------

    السلام عليكم...

    إزيكم يا جماعة وعاملين إيه؟؟
    شايف وجوه جديدة كتير قوي في الكلية اليومين دول...أكيد طبعا
    دول طلاب سنة أولى الجدد اللي هينورونا في كليات الطب في جميع
    أنحاء الجمهورية خلال شهرين إن شاء الله...إذا ما كانش أقل...
    المهم...أنا حاسس طبعا من ناحية الطلاب دول بحماس شديد قوي
    نفس الشعور اللي انا كنت حاسس بيه قبل ما أدخل الكلية السنةاللي فاتت...
    يارب بس تفضلوا محتفظين بيه على طول...مش زي العبد لله يعني...
    ما علينا...

    أنا هاكلمكم في الموضوع ده عن الحاجات دي...

    *المواد اللي هتدرسوها
    *الكتب والشرايط والأطالس وبرامج الكمبيوتر
    *الكورسات وما أدراك ما الكورسات
    *المذاكرة
    *المراجعة
    *الامتحانات
    *العلاقات والحياة الاجتماعية والنشاطات في الكلية
    *الـ..... ولا أقولكو كفاية كده...

    ==========================

    *المواد:-
    --------------
    في سنة أولى وتانية هندرس أربع مواد أساسية متقسمه على سنتين
    المواد دي هي:فسيولوجي-تشريح-كيمياء حيوية-هستولوجي

    1-الفسيولوجي:-
    --------------------
    حسب رأيي أحسن مادة في سنة أولى وتانية,مادة ممتعة جدا,وشيقة جدا
    فسيولوجي أصلاً يعني وظائف الأعضاء,نفهم من الاسم أنها بتتكلم عن أعضاء الجسم
    وظائفه المختلفة وتطبيقات الموضوع ده في الطب...
    في سنة أولى هندرس في المادة دي الفروع التالية...
    -مقدمة introduction: هناخد فيها مواضيع عامة لكن مهمة جدا...خصوصا الغشاء الخلوي
    أو cell membrane ...الموضوع ده هتدرسه في تلات مواد من الأربعة في سنة أولى(كلهم باستثناء
    التشريح) لكن باقي الفرع بصورة عامة مش مهم خالص وفايده مش اللي هيا يعني...
    -دم blood :فرع مهم جدا في الطب وفي الفسيولوجي...يعتبر سهل نسبيا مقارنة بباقي
    الفروع..طبعا هندرس الدم ومحتوياته بالتفصيل الممل وبعض الأمراض المتعلقة بيه خصوصا
    الأنيميا اللي هندرسها بتعمق..
    -عصب وعضل nerve & muscle: حسب رأيي أقل الفروع أهمية وأسهلهم في الفسيولوجي
    بس مع كده يعتبروا فروع ممتعة جدا ومذاكرتهم لذيذة خالص وما بتاخدش وقت...بندرس
    في الفرع ىده الأعصاب والعصلات وتركيبهم ووظيفتهم وكل حاجة عنهم...
    -الجهاز العصبي اللاإراديautonomic nervous system:فرع مع أنه سهل جدا جدا جدا...بس ممتع ورائع وجميل وقمور
    ومفيد جدا في الطب...بندرس فيه التحكم في جميع الأعضاء اللاإرادية عن طريق دراسة
    جهازين عصبيين اسمهم smpathetic و parasympathetic وبندرس الادوية اللي نقدر
    تحكم بيها في الجهاز ده....
    -التنفس respiration:فرع متوسط في الصعوبة...في حاجات رائعة جدا وفي حاجات مش لذيذة
    خالص...لكن بصورة عامة هيعجبك وهتستفيد بيه كتير...
    بندرس في التنفس على كتابين....واحد بيتكلم عن طريقة التنفس..والتاني بيتكلم
    عن التحكم الإرادي واللا إرادي في التنفس...
    -الجهاز الدوراني circulation:أصعب فرع في الفسيولوجي...ومع كده ممتع جدا
    بندرس في كتابين....واحد بيتكلم عن القلب من جميع النواحي والكتاب ده فعلا
    أنا كنت بعشقه لأنه ممتع وبتكتشف فيه أسرار المضخة الرائعة اللي حطها ربنا
    جوا الإنسان وبتشتغل في المتوسط خمسين سنة من غير ما تقف...
    الكتاب التاني بيتكلم عن الأوعية الدموية بصورة موسعة جدا وبيتطرق في النص
    للكلام عن ضغط الدم بصورة موسعة قوي...تقريبا 3/4 الكتاب بيتكلم عن ضغط الدم
    وبكده لو في حد من معارفك عنده الضغط...ابسط يا عم...هتقدر تتفلسف عليه شوية
    زي حالاتي كده...

    2-الأناتومي (التشريح) :-
    ---------------------------
    باين من اسمها...بندرس تشريح الإنسان بالتفصيل الممل...مادة سهلة
    بس فيها حفظ كتيييييييييييييييير بس بيني وبينكم حفظها لذيذ قوي
    وممكن تخلصها بسهولة...بندرس في سنة أولى الفروع التالية..
    -الطرف العلوي upper limb:بندرس الأطراف العلوية من الجسم...يضاف إليها
    الـ mammary gland أو الثدي...
    طبعا الفرع بيشمل دراسة العظم...والعضلات...الشرايين... الأوردة...الأعصاب...المفاصل
    العقد اللمفاوية-الأوعية اللمفاوية
    أهم حاجة طبعا الشرايين والأعصاب و80% من أسئلة الامتحانات بتبقى عليهم
    -الطرف السفلي lower limb:بندرس الأطراف السفلية من الجسم
    يضاف إليها الـ Gluteal Region اللي هيا المنطقة أسفل الظهر...
    ومحتويات الفرع هي نفسها فيupper limb...
    -الصدر thorax:بندرس تشريح الصدر (عظم-عضلات-شرايين-أوردة-أعصاب-مفاصل)
    وطبعا تشريح القلب والرئتين...
    -علم الأجنة embryology:فرع ممل جدا وخنيق جدا ومع كده صغير ويتلم بسهولة...

    3-الكيمياء الحيوية (biochemistry) :-
    ----------------------------------------
    مش عاوز أكتر كلام عنها علشان ما أعيطش...
    مادة بتتكلم عن التركيب الكيميائي للأكل اللي احنا بناكله
    chabohydrate-protein-lipid
    بعد كده...
    بتتطرق للكلام عن التركيب الكيميائي للحاجات الموجودة في جسمنا
    antibodies-cell membrane-hemoglobin & myoglobin
    وفي الآخر بندخل في الحاجات اللي كانت سهلة نسبيا بالنسبة لي
    اللي هي DNA و RNA ...

    4-الهستولوجي :-
    ---------------------
    الهستولوجي اللي هو علم الأنسجة...المادة دي تحتلف من شخص للتاني
    في ناس بتشوفها مادة تافهة جدا جدا....وفي ناس بتشوفها مادة صعبة ومعقدة جدا جدا..
    بس حسب رأيي هي أسهل مادة من ناحية المذاكرة...لأنها ما فيهاش أي تعقيد
    وممكن أي حد يلمها من غير محاضرات ولا كورسات زي حالاتي كده...
    طبعا بندرس فيها أنسجة جميع أعضاء الجسم...والنسيج للي ما يعرفش هو مجموعة
    الخلايا اللي بتكون العضو...إيه تركيبهم وإزاي بيشتغلوا مع بعض...طبعا الفرع ده
    مهم جدا جدا ومكمل لفرع هندرسه في تالتة إن شاء الله اللي هو الباثولوجي (علم المرض)

    ==========================

    *الكتب والشرايط والأطالس وبرامج الكمبيوتر:-
    -------------------------------------------------

    بالنسبة للكتب أحسن حاجة كتب القسم اللي في الكلية بتاعتك...
    بعد كده لو بتاخد كورسات عندك ورق الكورسات ده بيبقى حلو قوي
    طالما اللي كاتبه نفس الدكتور اللي بيشرح في الكورس...
    الشرايط دي بقه حسب رأيي أكبر خدعة في كلية الطب...الفكرة
    بتبقى ناس بتسجل لدكاترة في كورسات وبتتحط على شرايط أو سي ديهات
    وانت تشتري وتسمع في البيت...طبعا أغلب الشرايط جودتها وحشة جدا
    ومش كاملة ومن الآخر مش مفيدة وبتضيع وقت...
    الأطالس مهمة جدا وخصوصا في التشريح...عندك أطالس الدكتور فوزي جاب الله
    ودي تعتبر رائعة ومفيدةومبسطة ورخيصة ...في أطالس تانية بتبقى عالمية وعملاقة
    بس بتبقى غالية قوي قوي...من ناحية تانية مفيدة جدا...
    أما برامج الكمبيوتر فدي بقه فيها حاجات بتبقى مفيدة جدا وفيها حاجات بتبقى
    أي كلام...مش هاقدر أقول دلوقت على البرامج دي علشان ما أشغلكمش بيها
    لكن لما تبدأ السنة إن شاء الله اعمل حسابك أنك تشوف على الأقل ولو برنامج
    interactive physiology و interactive anatomy ...البرنامجين دول رائعيييييييييييين...
    في مجموعة فيديوهات تشريح اسمها
    ACLAND'S VIDEO ATLAS for HUMAN ANATOMY دي برضه فادتني جدا
    خصوصا قبل امتحانات العملي...

    ==========================

    *الكورسات وما أدراك ما الكورسات:-
    ----------------------------------------

    الكورسات دي بقه موال لواحده...بغض النظر عن أنها مكلفة كمان بتضيع وقت كتير...
    بس أنا هاقولكم إيه النظام...لو أنت هتدخل إن شاء الله كلية طب كبيرة زي قصر العيني-عين شمس
    المنصورة-الاسكندرية.......إلخ.... يبقى غالبا مش هتحتاج إلا في المواد اللي انتا ضايع فيها فعلاً وفي الحالة
    دي لازم تحافظ على المحاضرات للمواد اللي مش هتاخد فيها كورسات وتحضرها كويس لأنها مصدر المعلومة الوحيد...
    أما لو في كلية طب صغيرة (أو بلاش صغيرة,مفيهاش هيئة تدريس والدكاترة بييجوا من كليات تانية)يبقى أحسنلك تاخد كورس في كل المواد إلا الهستولوجي (ماحدش ياخد كورس في الهستولوجي صدقوني ولا له أي لازمة)...ولو مش عاوز تاخد في كله يبقى لازم على الأقل
    تاخد بيوكيمستري....

    ==========================

    *المذاكرة:-
    -------------

    المذاكرة دي بقه مزاجات...لكن أهم حاجة أقدر أقولهالك....ذاكر زي مانت عاوز
    بس ما تقلش عن ساعتين في اليوم....وابقى خد الخميس أجازة يا عم....
    وعلى فكرة...المذاكرة سهلة جدا...المهم أنك تنظم وقتك وتحدد هدفك في اليوم
    يعني تقول هذاكر النهاردة كذا ..أو عدد صفحات كذا....اللي يريحك..المهم ما تنامش
    إلا وانت مخلص...
    من ناحية تانية...في ناس بتحب تذاكر مادة واحدة في اليوم...وفي ناس تحب تذاكر كذا
    مادة...وفي ناس ما بتحبش تذاكر خالص...وطبعا دول أجدع ناس<<<بهزر يا جماعة أوعو تبقو زيهم
    برضه الموضوع حسب المزاج...لكن في رأيي...مادة واحدة في اليوم أحسن...
    أخر حاجة بخصوص المذاكرة...لما تذاكر حاول تبعد عن الترجمة على قد ما تقدر
    يعني الموضوع ما يزيدش على أسبوع...بعد كده ابدأ ذاكر بالإنجليزي...ولما تذاكر
    أفهم الكلام وعبر بطريقتك...مش لازم تحفظ كل الكلام...ولو دماغك عالية زي حالاتي
    أول مرة تذاكر الموضوع لخصه الأول...وذاكر الملخص...وبعدين ابقى كمل معلوماتك
    بأي حاجة زيادة...

    ==========================

    *المراجعة:-
    -------------

    هي دي المشكلة اللي هتقابلك فعلا في أول السنة...هتقعد تذاكر كتير جدا
    وتيجي تاني يوم تذاكر نفس الكلام...تلاقيه طار في الهوا....
    ما تاخدش في بالك...وأوعى تذاكره تاني....يدوب اقرى الكلام ده تاني..مجرد قراية...
    وذاكر الكلام الجديد...والمرة اللي بعدها...اقرى تاني...واللي بعدها اقرى تالت...
    على ما تخلص الفصل...هتلاقي كل الكلام في دماغك...
    غير كده معظم الكليات فيها امتحانات اسمها end course دول بيبقوا 4 أو 5 في الترم
    وعليهم درجات بس بتبقى قليلة قوي...بيخلوك تراجع بجد وبسرعة لأنهم غالبا بييجوا على غفلة...

    ==========================

    *الامتحانات:-
    ---------------

    شوف بقه...إذا كانت المذاكرة سهلة...والمراجعة أسهل...
    الامتحانات بقه يا حلوين صعبة...صعبة...صعبة...
    ولازم تبقى مذاكر كويس...وقاري كل حاجة..وحالل امتحانات قديمة...
    وفاهم طريقة الإجابة...طبعا ده للناس اللي عايزين امتياز...
    الامتحانات في الأربع مواد...تلات أنواع...
    -عملي:في البيو و الهستولوجي بتبقى سهلة جدا وما يتذاكروش إلا قبل الامتحان بأسبوع
    أو أسبوعين....الفسيولوجي والاناتومي العملي بتاعهم صعب شوية ومحتاج مذاكرة وتركيز
    وتبقى داخل المشرحة في الأناتومي كذا مرة و تشوف كل حاجة بعينك وتلمسها بإيدك...
    -نظري:غالبا بيبقى فيه MCQ ...طبعا امتحانات النظري هي أهم حاجة وأكتر حاجة عليهم
    درجات...غير كده بيبقى ليهم نجاح وسقوط لوحدهم...يعني يكتبلك راسب تحريري
    في النتيجة وساعتها تعيد المادة حتى لو مجموع درجاتك ينجحك...
    -شفوي:صراحة بتعتمد على حظك...ولا شئ آخر...يعني لو حظك حلو ودخلت لدكتور طيب
    ولذيذ هتجيب درجات حلوة..ولو حظك وحش يبقى اشرب يا سيدي...
    المهم..أن ما حدش بيقل عن نص الدرجات..مهم برضه أنك تبقى لابس اللي عالحبل
    وحاطط برفان ولبق وذوق في كلامك وعارف على الأقل الأساسيات...

    ==========================

    *العلاقات والحياة الاجتماعية والنشاطات في الكلية:-
    ---------------------------------------------------------

    حسب رأيي دي أهم حاجة في الموضوع...بسبب نظام الدراسة الثانوي
    في مصر معظم الطلاب اللي بيدخلوا طب بيبقوا منعزلين وفي حالهم وما بيحاولوش
    يكونوا علاقات اجتماعية جديدة...
    طبعا ده غلط...لازم تعرف أنك لما دخلت الكلية بدأت مرحلة جديدة في حياتك وبالتالي
    لازم تغير فيها عادات كتير وتنطلق شوية في الحياة...اتعرف على ناس جديدة...وحاول
    تكون صداقات جديدة خصوصا أن الصداقات دي غالبا هتدوم أكتر من الصداقات القديمة
    لأنها هتبقى متصلة بمجال العمل بعد التخرج إن شاء الله....يبقى لازم تبص لبعيد...
    برضه من ناحية النشاطات....حاول تشارك وتملى وقت فراغك..وتفيد مجتمعك وكليتك
    وما تتحججش بالمذاكرة لأن هتلاقي وقت كتير قوي فاضي..

    ==========================

    بس...كفاية عليكوا كده النهاردة...يا ريت تبقوا استفدتوا...
    ...
    تقبلوا تحياتي...
    -----------------------

    eslam ahmed
     
     

    ذكر

    تاريخ التسجيل : 06/09/2008
    رقم العضوية : 48
    عدد المشاركات : 1585
    العمر : 26
    نقاط : 4267
    إحترام القوانين :

    كلمة : look around your soul

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف eslam ahmed في الإثنين 8 سبتمبر - 20:57:26

    شكرا يا أحمد و يا رب أقدر استفيد من المعلومات دى فى سنة أولى ... ههههههههه afro






    لا داعى للخوف من صوت الرصاص .. فالرصاصة التى تقتلك
    لن
    تسمع صوتها



    M.Akram
     
     

    ذكر

    تاريخ التسجيل : 18/08/2008
    رقم العضوية : 20
    عدد المشاركات : 1354
    العمر : 26
    نقاط : 4156
    إحترام القوانين :

    كلمة : و أفوض أمري إلي الله إن الله بصير بالعباد

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف M.Akram في الثلاثاء 9 سبتمبر - 2:39:42

    شكرا يا أحمد الحمد لله طلعنا منها سلام عقبال باقي السنين كده


    *الـ..... ولا أقولكو كفاية كده...

    ايوه عايز اعرف انا ايه هو ال ده lol! lol! lol!

    ريتاج
     
     

    انثى

    تاريخ التسجيل : 02/08/2008
    رقم العضوية : 12
    عدد المشاركات : 435
    العمر : 25
    نقاط : 3680
    إحترام القوانين :

    كلمة : اتقوا الله ويعلمكم الله

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف ريتاج في الثلاثاء 9 سبتمبر - 3:23:33

    جزاك الله كل خير يا دكتور على المعلومات المفيدة دي عن الكلية وان شاء الله الكل يستفيد منها وخصوصا سنة اولى زي حالاتي كدة

    Dr Nanny
     
     

    انثى

    تاريخ التسجيل : 08/09/2008
    رقم العضوية : 53
    عدد المشاركات : 30
    العمر : 24
    نقاط : 3034
    إحترام القوانين :

    كلمة : لا تبكي على أي علاقة في الحياة.. لان الذي تبكي من أجله لا يستحق دموعك, والشخص الذي يستحق دموعك لن يدعك تبكي أبداً

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف Dr Nanny في الثلاثاء 9 سبتمبر - 22:27:47

    احم احم بما انى طالبه داخله سنه اولى
    عملت نفسى بقى مهتمه وقعدت اقرى واتمعن واتفحص
    طبعا طبعا
    فى الاول فرحت واضح انك متفائل اخر حاجه وبتحب المواد والكليه والمواد ممتعه وسهله وبتاع
    بعدين اديتها احباط فى الامتحانات ................. وكده
    ما علينا ماعلينا ..........لسه الحياه جميله الى حد ما
    بس انا موافقاك علىحوار ان الكليه حاجه مختلفه مع انها اصغر من مدرستنا بتاع ثانوى ..........يللا ادينا بنضحى فى سبيل العلم طبعاااااااااا
    ما علينا......ثانكسات اخر حاجه على المعلومات دى بجد افادتنى عشان انا قعدت اقرا كلام بالانجليزى كده عن المواد خلانى اعرف انى هسقط ولا كانى خدته اصلا
    بس تمام يعنى
    شكراااااا تانى

    the big boss55
     
     

    ذكر

    تاريخ التسجيل : 08/08/2008
    رقم العضوية : 15
    عدد المشاركات : 552
    العمر : 27
    نقاط : 4070
    إحترام القوانين :

    كلمة : والال

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف the big boss55 في الأربعاء 10 سبتمبر - 19:17:59

    إسلام باشا..

    شكرا على الرد الجميل ^^
    هوه انته لسه مصر ترجع اولى تاني...ما تخزي الشيطان يابني...
    ========
    كاسبر...

    نورت الموضوع يا صاحبي...
    ما بلاش أقولك أحسن...
    ========
    ريتاج...

    شكرا على المرور والرد الجميل...وربنا يوفقك كده
    و...و...
    cry و يصبرك..
    ========
    ناني...

    نورتي الموضوع...وأكيد هتنوري الكلية قريب إن شاء الله...
    هيا فعلا الكلية لذيذة جدا بشرط انك تكوني حاباها وذاكري فيها مش لازم كتير بس
    تكوني عاقلة وما تنفضيش كتير
    أما الامتحانات دي فموال تاني...انا لغايت دلوقت مش قادر أنسى آخر شهرين من الكلية
    اللي كانوا متروسين امتحانات وتعبت قوي فيهم...
    شدي حيلك وربنا يوفقك ^^





    I'm gonna make u an offer u can't refuse

    life tune
     
     

    انثى

    تاريخ التسجيل : 22/07/2008
    رقم العضوية : 3
    عدد المشاركات : 1937
    العمر : 25
    نقاط : 4887
    إحترام القوانين :

    كلمة :






    المهنه :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف life tune في الأربعاء 10 سبتمبر - 19:51:34

    مجهود جميل جداااااااااااااااااااااا يا دكتور
    انا آسفة ان انا اتأخرت في الرد
    لأني اصلا الساحة بتاعة المذاكرة دي بتفكرني اوي بالدراسة و الهم بتاع الكلية
    فمش بادخل عليها
    worry
    تسلم ايدك يا د.احمد

    Dr/Abd elrahman
     
     

    ذكر

    تاريخ التسجيل : 03/08/2008
    رقم العضوية : 13
    عدد المشاركات : 2501
    العمر : 26
    نقاط : 4847
    إحترام القوانين :

    كلمة : زي كل مرة ...لو جت سألت عليا.... عارفين هتقولوا ايه؟؟؟؟

    المهنه :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف Dr/Abd elrahman في الأربعاء 10 سبتمبر - 20:27:18

    موضوع جميل يأحمد بس الكلام ده على النظام القديم
    النظام الجديد زي الزفت

    المهم احب ارحب بالدفعة الجديدة وانا انشاء الله محضرلكم حفلة استقبال ما حصلتش في الكلية
    لان الدفعة دي عانت لاكتير في الثانوية ولسه هتعاني في الكلية
    ربنا معاهم

    dr_emy
     
     

    انثى

    تاريخ التسجيل : 04/09/2008
    رقم العضوية : 44
    عدد المشاركات : 172
    العمر : 26
    نقاط : 3049
    إحترام القوانين :

    كلمة : ولا نص كلمه

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف dr_emy في الخميس 11 سبتمبر - 9:09:03

    يارب بس تفضلوا محتفظين بيه على طول...مش زي العبد لله يعني...
    ما علينا...

    يا سلاااااام.......ما تخافش هنمسك الخشب


    ....حاول تشارك وتملى وقت فراغك..وتفيد مجتمعك وكليتك
    وما تتحججش بالمذاكرة لأن هتلاقي وقت كتير قوي فاضي
    هع هع هع .......ده كان زمااااااااااااااااااان

    بس بجد مجهود جامد وروعه
    ربنا يوفقك

    هو مافيش حد يقولي انا كمان كلمتين
    ولا نص كلمه..؟؟؟؟
    33


    المهم احب ارحب بالدفعة الجديدة وانا انشاء الله محضرلكم حفلة استقبال ما حصلتش في الكلية

    ايه ده طيب واحنا مالناش نصيب.؟؟؟
    :23:

    onlyme2014
     
     

    ذكر

    تاريخ التسجيل : 05/09/2008
    رقم العضوية : 47
    عدد المشاركات : 476
    العمر : 26
    نقاط : 3163
    إحترام القوانين :

    كلمة : ممكن؟

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف onlyme2014 في الخميس 11 سبتمبر - 9:31:05

    فعلا حاجة طلقة د/بيج بووووووووووووص
    وشكرا على المجهود
    بس يااااه لسه فاكر الحاجات دى
    دا الواحد نسى اسمه يا عم
    يلا انا مش بحسد انا بقر بس
    ههههههههههههههههه

    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6428
    إحترام القوانين :

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف kenzy في الجمعة 12 سبتمبر - 11:08:38

    بجد مجهووووود جميل جدا
    شكرا يا د.احمد
    وربنا يوفق الجميع ( سنه اولى وتانيه علشان ماتزعليش يا ايمي lol! )










    the big boss55
     
     

    ذكر

    تاريخ التسجيل : 08/08/2008
    رقم العضوية : 15
    عدد المشاركات : 552
    العمر : 27
    نقاط : 4070
    إحترام القوانين :

    كلمة : والال

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف the big boss55 في الجمعة 12 سبتمبر - 18:31:49

    لايف تون...

    شكرا على الرد الجميل...هيا الساحة هنا فعلا
    تحسسك بجو المذاكرة...لكن هو ده الطريق اللي اخترناه ولازم نفضل
    نذاكر طول حياتنا..
    ربنا معانا كلنا...
    ============
    عبود...

    شكرا على الرد الجميل يا حبي ^^
    لو انا كاتب الموضوع ده بعد ما عرفت النظام الجديد أكيد
    كان كتير منه هيتغير...
    بس الواحد برضه لسه ما جربش النظام الجديد فما نقدرش نحكم..
    ربك يعين يا صاحبي ^^
    =============
    إيمي...

    شكرا على الرد الجميل ^^
    هع هع هع .......ده كان زمااااااااااااااااااان
    أظن أن معاكي حق في النقطة دي ويارب الواحد يعرف يشم نفسه بس
    السنة دي..
    منورة الموضوع ^^
    ==============
    أونلي مي..

    ماشي يا عم القرير..
    شكرا على الرد ومنور الموضوع ^^
    ==============
    كنزي...

    شكرا على الرد ^^
    وربنا معانا كلنا...سنة تانية بيقولوا شديدة برضه ^^





    I'm gonna make u an offer u can't refuse

    the big boss55
     
     

    ذكر

    تاريخ التسجيل : 08/08/2008
    رقم العضوية : 15
    عدد المشاركات : 552
    العمر : 27
    نقاط : 4070
    إحترام القوانين :

    كلمة : والال

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف the big boss55 في السبت 12 سبتمبر - 0:34:42

    >>>تم الرد لرفع الموضوع للفائدة <<<





    I'm gonna make u an offer u can't refuse

    Dr.Ahmed
     
     

    ذكر

    تاريخ التسجيل : 09/09/2008
    رقم العضوية : 56
    عدد المشاركات : 3034
    العمر : 26
    نقاط : 6384
    إحترام القوانين :

    كلمة : فالله خير حافظا .. وهو أرحم الراحمين

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف Dr.Ahmed في السبت 12 سبتمبر - 0:49:46

    جزاك الله خير يابوحميد


    عايزين حاجة لتالتة عشان نطمن شوية




    ربنا يستر

    طموح بلا حدود
     
     

    انثى

    تاريخ التسجيل : 11/09/2009
    رقم العضوية : 265
    عدد المشاركات : 66
    العمر : 24
    نقاط : 2726
    إحترام القوانين :

    كلمة : اقل هدية يستطيع الانسان ان يهديها لنفسه هو ان يكون افضل ما يستطيع ان يكونه

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف طموح بلا حدود في الأحد 13 سبتمبر - 8:41:48

    بجد شكرا على المعلومات املفيدة ديت
    بس المشكلة انكم كل لما تكتبوا حاجة عن المذاكرة تبقى الدنيا حلوة وزى الفل
    نيجى بقى عند الامتحانات الحال يتقلب
    بجد انا خفت جدا
    بس اكيد فى اخر المذاكرة لازم يبقى ف امتحان
    ربنا يستر

    Dr.Ahmed
     
     

    ذكر

    تاريخ التسجيل : 09/09/2008
    رقم العضوية : 56
    عدد المشاركات : 3034
    العمر : 26
    نقاط : 6384
    إحترام القوانين :

    كلمة : فالله خير حافظا .. وهو أرحم الراحمين

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف Dr.Ahmed في الأحد 13 سبتمبر - 8:45:16

    أي حد من سنة أولى عنده استفسار عن أي حاجة


    إن شاء الله الشباب موجودين حيردو



    وإن شاء الله تكون سنة خفيفة .. وبداية كويسة في طريق الطب

    Dr/Abd elrahman
     
     

    ذكر

    تاريخ التسجيل : 03/08/2008
    رقم العضوية : 13
    عدد المشاركات : 2501
    العمر : 26
    نقاط : 4847
    إحترام القوانين :

    كلمة : زي كل مرة ...لو جت سألت عليا.... عارفين هتقولوا ايه؟؟؟؟

    المهنه :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف Dr/Abd elrahman في الأحد 13 سبتمبر - 8:48:46

    ياجماعه ماتقلقوش سنه اولي سهله جدا هي بس صعوبتها في اول شهرين عشان بتبقوا مش عارفين اي حاجة في اي حاجة بس بعد كده خنلاقوها زي الفل وده لينكات للمواضيع اللي فيها النظام بتاع كليتنا

    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    وبرضه اي حد عنده استفسار عن اي حاجة احنا موجودين






    مدونتي
    [ندعوك للتسجيل في المنتدى أو التعريف بنفسك لمعاينة هذا الرابط]


    واقول تانى ياللى مجنني..

    شوفت الحنان معاك طعمه ايه؟

    والعشق جميل قد ايه؟؟

    وعاوزنى احبك.. وماقولش عليه..

    ولو حكيت وغنيت معرفش

    واتوه من اللى انا فيه

    حبيبي.. يااجمل حب عشت فيه



    بحبك

    ملك القلوب
     
     

    ذكر

    تاريخ التسجيل : 11/09/2009
    رقم العضوية : 267
    عدد المشاركات : 75
    العمر : 23
    نقاط : 2735
    إحترام القوانين :

    كلمة : لو اعلم ان في حبك موتي لأعددت اكفاني قبل ان القاك

    المهنه :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف ملك القلوب في الأحد 13 سبتمبر - 9:17:30

    شكرا يا دكاترة علي مجهودكم

    وطبعا زي ماقلتم

    وربنا يوفقنا كلنا

    the big boss55
     
     

    ذكر

    تاريخ التسجيل : 08/08/2008
    رقم العضوية : 15
    عدد المشاركات : 552
    العمر : 27
    نقاط : 4070
    إحترام القوانين :

    كلمة : والال

    المهنه :

    مزاجي :

    بلدي :



    جيد جدا رد: رايح سنة أولى...تعالى اقرالك كلمتين ينفعوك ...!!

    مُساهمة من طرف the big boss55 في الأحد 13 سبتمبر - 9:47:38

    احمد سليم

    حاجة لتالتة...؟؟!!
    هع ... ربنا يستر على قولتك...
    منور يا حبي..

    ========

    طموح بلا حدود

    العفو يا فندم...بالنسبة للامتحانات فمش ازمة يعني...اهم
    حاجة انك تبقي مذاكرة...وحليتي نماذج لامتحانات قديمة..وكله هيبقى سهل وتمام
    وزي الفل....

    ما تشغليش دماغك دلوقتي بالامتحانات لانها هتعدي هتعدي..

    ربنا يوفق الجميع..

    ========

    عبده...

    وله انته جاي تعمل دعاية لتوبيكاتك عندي...
    اطلع بررررررررررره...
    Very Happy Razz Razz

    ==========

    ملك القلوب

    أهلا بيك في كليتنا وكليتك طبعا...بالتوفيق ليك...
    Very Happy Very Happy





    I'm gonna make u an offer u can't refuse

      الوقت/التاريخ الآن هو السبت 3 ديسمبر - 8:39:20