إيه الحكايه؟؟

أصل الحكايه من البدايه
حكاية عذاب ملوش نهايه
أصل الحكايه ياساده
حكاية أرض عايشين عليهاخيرها كتير ..لكن
بناخد مش بنديها
بنقول فيها وفيها
والعيب علينا مش عليها
حكاية أمل مدفون
في قلوب شباب مهموم
يأسهم عامي العيون
الحلم ف خياله ممكن لكن..
في الحقيقه أبعد مايكون
حكاية عقل متشتت مفرق
شايف وغافل مش عايز يصدق
بين الحلم والحقيقه مش قادر يفرق
لما العقول كده
يبقى ايه من الحلم هيتحقق؟؟
*********
الحكاية ابتدت لما النهار عدا
وجه بعده الليل الطويل
خلت الخوف والظلمه جوانا هاده
حلمنا ومخلياه مستحيل
حكاية جرح نازف من سنين
والمجروحين من بعيد واقفين
ساكتين
لا بيصرخو من ألم ولا من أنين
خايفين من مين؟؟ وليه خايفين؟؟
*************
حكاية حق ضايع مهضوم
مين اشترى ؟؟ مين بايع؟؟
ومين محروم؟؟
اختفت الحقايق في وطن مسموم
الحكاية..
حكاية ألم وصوت مكتوم
صوت من قلب حزين ومهموم
ومش مسموع صوت البريء المظلوم
لو هي ده حياتنا
ياريتك ياكون ماتكون
الحكاية ايه ياساده
مش عارفين..!!
يمكن بداية النهايه
ولا ده فصل ف روايه؟؟
يمكن .. مش عارفين
حكاية أولها فرح وآخرها حزين
الحكايه
انتصار أو انهزام
الحكاية
وعد والتزام
الحكاية يا بلد..
مين اللي دائن ومين مدان
مين المهان؟
مين اللي عاش فيكي ومات بلا أمان
ومين عايش ف خيرك بينهش
من غير حلال ولا حرام

جميلة جدا
بس حزينة اوووووووووى
كالعادة يعنى
ربنا معاكى والله
انا مش عارف الواحد ممكن
يعيش ازاى بالاكتئاب ده
بس شكرا بجد يا دكتورة
رووووووووووعة
معااااااااااااااانى

اولا : بجد تسلم ايديكي الكلام ده
ثانيا : اكتر ما لفت انتباهي فيالقصيدة هي الجرأة في طرح الموضوع واستخدام الفاظ قوية ..وانا احييك على ده يا دكتورة
ثالثا : استمري

روووووووووووووعه يا فيكتم
موضوع جميل جدا
تسلم ايدك يا جميل

بس شكرا بجد يا دكتورة
رووووووووووعة
معااااااااااااااانى
العفو ياد.أونلي
اولا : بجد تسلم ايديكي الكلام ده
ثانيا : اكتر ما لفت انتباهي فيالقصيدة هي الجرأة في طرح الموضوع واستخدام الفاظ قوية ..وانا احييك على ده يا دكتورة
ثالثا : استمري
تسلم يا د.مصطفى
وان شاء الله الجاي يكون أحسن
وشكرا ياكنزي وسما والموضوع نور بيكم وبقى أجمل برأيكم بجد
ورهف ونور نورتو الموضوع وشكرا على رأيكم