ده يا جماعة زجل عن احلام الشعب
باللحمة.....فاضطروا للفراخ
.........اللي مرضت فلجأوا مؤخرا
للفوووووووووول
اسيبكم معاه
********
تعالي يا ابني يا حبيبي
عشان احكيلك حدوتة
أحكيهالك واحدة واحدة
تاتا تاتا وتوتة توتة
غمض يالا واحلم بيها
دي جميلة و صغنتوتة
بتقول ايه الحدوتة
كان زمان
..............................
كان زمان في حاجة حلوة
حمرة كدة اسمها لحمة
بنغنيلها ألف غنوة
وكان عليها طابور وزحمة
لو زاريتنا ف يوم
تلاقي
بيتنا كله شوق ورحمة
شوق جميل من كل واحد
ورحمة واسعة من فرحنا
............................
كان ساعات بنقول كباب
لما تكون تحتها فحمة
ولما تكون معمولة كفتة
بنبقي سعدا زي ما احنا
مرة تكون اللحمة صافية
ومرة تكون معاها لية
وياااااه بأة لما تسلق
وتلاقيها مستوية
وكان ساعات معاها سائل
اسمه الشوربة الهنية
لما تاخد رشفة منه
تبقي شفطة مش عادية
شوربة ايه بأة
علي مزاجك
يعني شوربة
مية مية
وياعيني بأة لما تشوي
وتلاقي اللحمة مش طرية
ناشفة آه
وصغرت شوية
انما مهلبية
خصوصا بأة
مع التوابل
حتي لو اللحمة نية
هآنكلها هآنكلها
أصل مش دية القضية
.........................
القضية يا حبيبي
كانت بدأت يوم فراقها
قولنا لأ أكيد هترجع
هية بس أكيد زعلانة
يكونش حد ف يوم حرقها؟؟؟
أو سقعت في الفريزر
أو حد يكون سرقها
ولما ولية ضيعتها
البوليس جابها وشنقها
وقبل موتها بلعت حتة
بعد ما الحبل خنقها
...............................
ولما غدرت اللحمة بينا
وهربت باين في سفينة
قولنا يالاا مفيش مفر
واعتمدنا عالفراخ
مع انها ما كانتش لحمة
ودة في منظورنا احنا
برضة كنا لسة سعدا
حتي بعد الانتفاخ
ولما عدا صيف براح
وجه الشتا بالرياح
قولنا تغير في المناخ
بس حصلت المصيبة
وكانت للاسف عجيبة
لما عطست الفراخ
قبضت عليهم الحكومة
وبكلامهم قرفونا
ودفنوهم في السباخ
........................
قولنا خلاص عدنا اليك
ياريت سماح ياعم فول
احنا خلاص حسينا بيك
واوعي تمشي او تزول
احنا بجد غلطنا فيك
يوم طردك م الحقول
وبسفالة قولنا عليك
انك أكل للعجول
...................
وآدي كل حكايتنا
سواء في بيتك أو في بيتنا
نام واحلم يا حبيبي
انها جت وزاريتنا
م ن ق و ل