يهتم بمتابعة أخبار الكلية و التناقش بين الطلاب حول الموضوعات التي تهم طلاب الطب بوجه عام وطلاب طب الفيوم بصورة خاصة


    رايح سنه اولى...اتفضل معانا

    شاطر

    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6436
    إحترام القوانين :

    المهنه :

    مزاجي :

    بلدي :



    جيد جدا رايح سنه اولى...اتفضل معانا

    مُساهمة من طرف kenzy في الأحد 10 أغسطس - 6:59:15

    اول حاجه عايزه اقول لكل اللي في ثانويه عامه مبروك عليكم الاجازة و المجموع الكبير

    ومبروووووووووك عليكم دخولكم الطب وان شاء الله الكلية تعجبكم

    ان شاء الله هابتدي معاكم الموضوع ده

    وهانتعرف يه مع بعض على سنه اولى

    الموضوع هيكون على شكل س-ج


    س1: ايه المواد اللي هتدرسها في سنه اولى؟

    احب اقولكم ان الدراسه في ال3 سنين الاولى من الكليه بتكون مواد اكاديميك .. يعني ايه ؟ يعني هتدرس مواد مواد تؤهلك بعد كده لدراسة الطب الاكلينيكي

    في سنه اولى بندرس من الماد دي 4 مواد هي :
    1- anatomy و هو علم تشريح جسم الانسان
    2-physiology و فيه بندرس و ظائف كل عضو
    3-histology علم الانسجه
    4- biochemistry الكيمياء الحيويه

    بعد متكلمت بشكل مجمل عن المواد احب اشرحها اكتر

    س2 : بالنسبه لل anatomy هندرس ايه فيها بالضبط ؟

    ماده التشريح ماده كبيره تساوي 250 درجه من المجموع الكلي للدرجات بتدرس فيها تشريح جسم الانسان و طبعا في سنه اولى مش بناخده كله مثلا بندرس الاطراف العلويه و السفليه و الصدر او حسب المنهج المتبع في الكليه و يتكون كل جزء من
    1- العظم bones: بندرس كل العظام المكونه للجزء ده و سماتها العامه و الخاصه و العضلات اللي ماسكه فيها
    2- العضلات muscles : بندرس العضله ماسكه في اى عظمه ايه و عملها action و العصب اللي بيغذيها nerve supply
    3- الشرايين arteries و الورده veins: المنشاء و النهايه و التفرعات
    4- الاعصاب nerves : ايه العضلات اللي بيديها و التفرعات و التشوه الناتج عن اصابته

    الماده بتنقسم الي جزء نظرى او محاضرات و جزء عملي او سكاشن و دا بقى اللي بناخده في المشرحه
    .... ايه؟ Shocked ايه المشرحه دي










    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6436
    إحترام القوانين :

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف kenzy في الأحد 10 أغسطس - 7:11:09

    كنت بدأت اتكلم عن حاجه غريبه جدا و هي المشرحه ...

    ايه هي بقى المشرحه؟!

    المشرحه دي من اكتر الحاجات اللي في كليه الطب اللي بتثار حولها الخرافات و الخزعبلات , و لازم تكون متوقع انك ان شاء الله اول ما هتوصل بيتك بالسلامه من الكليه في اول يوم هتنهال عليك الاسئله حول هذا المكان العجيب من كل اللي تعرفهم ... فمثلا حد يقولك"ها قوللي عملت ايه اول مدخلت المشرحه؟! اغما عليك ..ها؟!"
    و غيره " هوا فعلا هناك في ميتين ؟!" وغيره كتير اكيد هتكتشفها بنفسك

    الموضوع ابسط من كدا بكتير المشرحه دي المكان اللي بنتلقى فيه الدروس العملي لمادة التشريح .. يعني انت قاعد في المحاضرات تسمع عن arteries و veins و غيرها لازم طبعا تعرف الحاجات دي شكله ايه جو الجسم و تعرف كمان الفرق بنها و دا اللي بيوريهولك الدكتور على الجثه في المشرحه
    لكن طبعا اكيد برده الموضوع و في اول مره بيبقى غريب شويه لكن بالتكرار الواحد بيتعود و بتصبح المشرحه بالنسبه للطلبه مكان عادي ....


    وخصوصا قبل امتحان العملي بنقعد اسبوع بنروح المشرحه كل يوم وبنقعد فيها طول اليوم
    وعادي جدا


    بس في بعض الحاجات حابه اقولها :اداب التعامل مع المشرحه

    1- لازم تحط في بالك ان الميت دا كان في يوم من الايام انسان زيك زيه فلوسمحت التعامل يكون فيه احترام لحرمة الميت

    2- لا تنسى مهمتك الاساسيه و هي انك بتتعلم مش جاي تلعب بناس ظروفهم هي اللي وضعتهم في هذا المكان و ان شاء الله يكون لهم ثواب الصدقه الجاريه
    3احذر
    ان تتهاون بكسر شيء في جسم الجثه او قطع شيء فيها حرام ..حرام ,ده غير انك هتضر نفسك و غيرك
    4- ياريت تخلي دخولك المشرحه عظه ليك و تذكير بلاخره و انك ميت ميت و متنساش الدعاء للميت ده ,و متبخلش علي الناس التانيه بالنصح لو لقيتهم بيعملوا حاجه غلط

    و على العموم مش عايزه اطول عليكم في الموضوع ده بس كان لازم اتكلم فيه

    المهم كفايه عليكوا كده النهارده

    انتظرونا
    واوعى تغير المحطه

    سلام










    ريتاج
     
     

    انثى

    تاريخ التسجيل : 02/08/2008
    رقم العضوية : 12
    عدد المشاركات : 435
    العمر : 25
    نقاط : 3688
    إحترام القوانين :

    كلمة : اتقوا الله ويعلمكم الله

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف ريتاج في الأحد 10 أغسطس - 9:43:32

    جزاكي الله كل خير د.كنزي على المعلومات القيمة دي
    وجعله الله في ميزان حسناتك
    ونحن في انتظار البقية

    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6436
    إحترام القوانين :

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف kenzy في الأحد 10 أغسطس - 12:10:25


    معلش اتأخرت عليكوا

    جزانا الله واياكم يا ريتاج
    وادي الباقي

    بعد ما كلمتكم عن المشرحه اكيد بيدور في ذهنكم سؤال

    ايه الادوات اللي هحتاجها في مادة التشريح ؟
    1- اكيد البالطو الابيض
    2- جوانتيات بلاستيكيه او مطاط
    3- فورسبس (ملقط)
    انت ومزاجك


    بعد ملا اتكلمت عن الادوات اللي ممكن نحتاجها اكيد كل واحد دلوقتي بيقول هذاكر ازاي و منين ؟
    مقدرش اقول لاي حد يذاكر ازاي لان كل واحد له الطريقه اللي بيستوعب بيها و الانسب له لكن ممكن اقولك في التشريح تركز على ايه في المذاكرة و لو ان كله مهم
    1- بالنسبه للعظم مهم جدا تكون عارف ايه الحاجات اللي ماسكه في العظمه دي لان دا هيسهللك كتير كذاكرة العضلات و كمان مهم في الامتحان الشفوي و العملي(spotting)
    2-اما الشريين مهم جدا تعرف التفرعات (branches) و الشبكات اللي بيشارك في صنعها (anastomosis)
    3- الاعصاب بقي تركز علي العضلات اللي بيغذيها العصب و ال branches و كمان مهم جدا جدا التشوه الناتج عن اصابه العصب nerve injury
    4-في حاجه كمان اسمها spaces او regions زي ما هتعرفوا بعد كده مثل cubital fossa ,femoral triangle لانها ممكن تيجي سؤال كامل

    ييجي بعد كده سؤال طب هذاكر منين ؟
    لازم تبقي عارف ان النظام في الكليه غير المدرسه يعني عندك الحريه انك تذاكر من المصدر اللي يريحك
    اما كتاب القسم و اللي يفضل انه يكون عندك و تهتم بيه لان غالبا رئيس القسم هو اللي بيحط الامتحان , هتلاقي كمان دكاتره منزله كتب خاصه بيها ممكن لو حابب تشتريها في كمان مذكرات الدروس الخصوصيه ممكن الاستعانه بها لان غالبا الدكتور بتاع الدرس بيكون مجمع فيها اهم الحاجات و الاسئله اللي ممكن تتسئل في الشفوي و مهم جدا يكون عندك اطلس كويس لان الرسومات بتساعد جدا في فهم الanatomy

    كمان المحاضرات مهمه جدا و السكاشن مهمه جدا جدا حاول على قد ما تقدر تكتب كل اللي بيتقال او ممكن كمان تسجل دي طريقه كويسه قوي












    Dr.sandy
     
     

    انثى

    تاريخ التسجيل : 26/07/2008
    رقم العضوية : 8
    عدد المشاركات : 1046
    العمر : 26
    نقاط : 4496
    إحترام القوانين :

    كلمة : اللهم اني اسالك علما نافعا وقلباخاشعا

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف Dr.sandy في الأحد 10 أغسطس - 15:58:40

    شكرا كنزي على موضوعك بس حبيت اقول للطلبة الجداد ارجوكوا اياكوا والاستهتار بالكلية دي انا مش بخوفكم ولكن ده واقع حبيت اظهرهلكم عشان محدش يعيطولايزعل ويتقهر لما ينقص نص درجه والكلام الفاضي ده بتاع الثانوية العامة ممكن هتلاقوا الدراسة صعبة او مملة اوعوا تياسوا وعلي فكرة احنا كان بتحب نروح المشرحة جدا خاصة ان واحدة صاحبتي عامل المشرحة نسي وقفل الباب عليها مع ولدين جوه مع الجثث!!!!!!!!!!!!!!!!!!!!!!!! affraid affraid affraid affraid affraid affraid affraid affraid affraid

    ريتاج
     
     

    انثى

    تاريخ التسجيل : 02/08/2008
    رقم العضوية : 12
    عدد المشاركات : 435
    العمر : 25
    نقاط : 3688
    إحترام القوانين :

    كلمة : اتقوا الله ويعلمكم الله

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف ريتاج في الإثنين 11 أغسطس - 3:58:22

    جزاكي الله كل خير د.ساندي على النصايح الغالية دي
    احنا فعلا المفروض ما نستهترش بالكلية بس في نفس الوقت انا حاسة انها مش سهلة خالص
    وجزاكي الله كل خير د.كنزي على الموضوع هو فعلا مفيد جدا

    Jasmin
     
     

    انثى

    تاريخ التسجيل : 25/07/2008
    رقم العضوية : 6
    عدد المشاركات : 649
    العمر : 26
    نقاط : 3951
    إحترام القوانين :

    كلمة : الحمد لله

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف Jasmin في الإثنين 11 أغسطس - 6:41:21

    شكرا يا كنزي على على المعلومات الجميلة دي

    واحب ااكد على حاجة قولتيها

    ان ما دة التشريح مادة اغلبها حفظ ووجود الاطلس مفيد جدا لان حفظ شكل الرسمة بيسهل كتير في المذاكرة واحسن من حفظ كلام

    كتير ممكن الطالب ما يبقاش متخيله فينساه بسرعة

    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6436
    إحترام القوانين :

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف kenzy في الإثنين 11 أغسطس - 7:21:59

    ازيكو

    اولا احب اشكر ساندي وجاسمين على اضافتهم للموضوع

    وربنا يكون معاكي يا ريتاح ولا شكر على واجب

    نكمل كلامنا ....


    اكيد بعد ما عرفنا تقريبا كل حاجه عن الanatomy عايزين نعرف ايه نظام الامتحان ؟
    الامتحانات في الكليه تنقسم الي نظري (written و MCQ) و عملي و شفوي
    1- الامتحان النظري :
    بيكون في نص السنه (اعمال سنه) و اخرها
    و علشان ان شاء الله تجاوب كويس لازم تكون طبعا مذاكر كويس غير كده لازم تكون مدرب على اسئلة الMCQ (او الاختيار من متعدد) لان النوع ده من الاسئله مهم جدا في كليتنا , كمان لازم تكون و انت بتذاكر متعود ترتب افكارك و تركز علي العناوين الرئيسيه اللي لو جالك سؤال في الجزء ده هتتكلم فيها .. و صدقوني مهم جدا تكون عارف النقط و العناوين الاساسيه لكل موضوع لان غالبا وقت الامتحان لايكفي لذكر كل التفاصيل , كمان في ال anatomy بالذات الرسومات لها و قع السحر على المصصح فحاول من اول السنه تتدرب عليها و مش لازم يا اخي يكون رسمك حلو انت مش بيكاسو بس على الاقل يكون واضح و معبر

    2- الامتحان العملي : عملي ال anatomy بنقول عليه spotting في الامتحان بيجيلك حاجه معينه متحدده بعلامه و المطلوب تقول ايه الحاجه دي و ممكن يسألك سؤال بسيط عليها
    لو انت ملتزم بحضور السكاشن فالامتحان ده هيكون بالنسبه لك سهل ان شاء الله

    3- الشفوي : الامتحان الشفوي بيكون مصدر رعب للطلاب من اول السنه و دا نتيجة الخرافات و الاشاعات اللي سمعوها عنه من اول يوم دراسه .. مثلا حد هيقولك الدكتور فلان ده بيموت الطلبه و في الاخر يديك صفر .. و اللي هيقولك الدكتور علان اللي عامل نفسه طيب ده بيسأل اسئله مستوى دكتوراه
    كل دا كلام فاضي بس خلينا صرحه امتحان الشفوي دا رزق ممكن يكون حظك مع دكتور يقتنع باي اجابه هتقولها و ممكن واحد تاني يكون بيحب الطالب الperfect دا غير طبعا الوسايط اللي بتخش في الموضوع
    بس انت اهم حاجه تكون عامل اللي عليك و مذاكر و متوكل على ربنا بالنسبه لل anatomy ركز كويس جدا علي العظم لانه غالبا مفتاح الامتحان
    حاجه تانيه في ناس هتقولك لازم تكون لابس formal مش شرط المهم يكون لبسك مهندم و ميستفزش الدكتور
    و بلاش بقى ربطات امينه شلبايه و الحاجات دي

    تقريبا كده نبقي خلصنا كلام عن ال anatomy

    المره الجايه بقى physiology










    Dr/Abd elrahman
     
     

    ذكر

    تاريخ التسجيل : 03/08/2008
    رقم العضوية : 13
    عدد المشاركات : 2501
    العمر : 26
    نقاط : 4855
    إحترام القوانين :

    كلمة : زي كل مرة ...لو جت سألت عليا.... عارفين هتقولوا ايه؟؟؟؟

    المهنه :

    بلدي :



    جيد جدا رد: رايح سنه اولى...اتفضل معانا

    مُساهمة من طرف Dr/Abd elrahman في الإثنين 11 أغسطس - 14:26:25

    الموضوع ده جميل جدا لان اغلب الطلبة اللي داخلين سنة اولى مش عارفين النظام ماشي ازاي وكل شوية يتفاجؤا بحاجة تحصل يعني انا مثلا اول مادخلت الكلية ماكنتش اعرف اسماء المواد ايه ولاحتى عددهم كام ولما عرفت أسامي المواد ماكنتش عارف ترجمتهم وقعدت حوالي شهر مش عارف حاجة في اي حاجة حتى نظام الم>اكرة كان تعبان كنت ب>اكر الصفحة في ساعتين وكل شوية افتح القاموس لغاية ما عنيا زغللت وبعدين الواحد اتعود لما قرب من الطلبة وكون صداقات مختلفة علشان نساعد بعض بس اهم حاجة في الكلية أخر شهرين قبل لمتحان دول من وجهة نظري الواحد لازم يشد فيهم علشان يجيب تقدير
    انا اسف اني طولت في الكلام وشكرا ياكنزي على الموضوع الجميل ومساعدتك للطلبة الجدد وان شاء الله هينكتب في ميزان حسناتك

    ريتاج
     
     

    انثى

    تاريخ التسجيل : 02/08/2008
    رقم العضوية : 12
    عدد المشاركات : 435
    العمر : 25
    نقاط : 3688
    إحترام القوانين :

    كلمة : اتقوا الله ويعلمكم الله

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف ريتاج في الإثنين 11 أغسطس - 15:24:04

    جزاكم الله كل خير جميعا على الموضوع والاضافات والنصايح الغالية دي
    وربنا يكتبه في ميزان حسناتكم ان شاء الله

    eslam ahmed
     
     

    ذكر

    تاريخ التسجيل : 06/09/2008
    رقم العضوية : 48
    عدد المشاركات : 1585
    العمر : 26
    نقاط : 4275
    إحترام القوانين :

    كلمة : look around your soul

    المهنه :

    مزاجي :

    بلدي :



    جيد جدا رد: رايح سنه اولى...اتفضل معانا

    مُساهمة من طرف eslam ahmed في السبت 6 سبتمبر - 22:46:06

    معلومة صغيرة أوى : سنة أولى كلية سهلة جدااااا .... بس ....... لو حصل تقصير من أول السنة هتبقى رخمة جدااااااااااااااااااااااااااا

    يعنى بإيديكم تخلوها سنة لذيذة و سهلة و بردو انتو ممكن بعدم وعى تخلوها أرخم سنة

    الكلام ده اتقاللى كتير جدا و انا كنت بطنش ...
    لحد ما ليقت الوقت بيجرى و انا مش ملاحق على أى حاجة
    فياريت تحاولوا على قد ما تقدروا انكم تلموا المنهج بدرى

    مش قصدى يعنى انكم تدوها 100% دح من أول يوم فى السنة 87
    بس الاعتدال و التأقلم السريع مع الحياة الجديدة و الطريقة الجديدة فى الدراسة


    ****نصيحة مجرب****






    لا داعى للخوف من صوت الرصاص .. فالرصاصة التى تقتلك
    لن
    تسمع صوتها



      الوقت/التاريخ الآن هو الأحد 11 ديسمبر - 3:07:45