واّخرتها إيه ؟؟؟

هي فعلا مشكله
بس مالهاش حل غير اننا نلغي الاستاد الرياضي ده من اصله
ونلغي اي حاجه مكوره من المنتدى

مين اللي زعلان من التاني يا عمرو
انا اكتر واحد بيحب الزمالك هنا واكتر واحد بيشتم الاهلي برده هنا في المنتدي وكل الاهلاوية اللي في المنتدي صحابي جامد جدا وزي ما بنتخانق في المنتدي بنتخانق برا المنتدي في الاهلي والزمالك بس صدقني ما فيش خناقات تخلينا نقطع من بعض خالص
ابسط شئ انا عندي في البيت ابويا زمالكاوي وامي اهلاوية واختي زمالكاوية واخويا اهلاوي وعايشين حياة زي الفل وعادي بنتخانق في الاهلي والزمالك بس ما توصلش ان انا ققاطع امي علشان خاطر الاهلي والزمالك
بطلوا شك بقى
مش قصة هي

يا بني انت انا هادي
والله العظيم ما في بيني وبين حد خناقات
والله الواد اسلام اشتكالك
على فكرة اسلام ده من الشخصيات اللذيذة اللي انا بحبها حب كبير قد كده
اي خدمة يا اسلام
خلاص يا عمرو فكك بقى

صباح الخير عليكوا..............

أولا: بالنسبة للجدل اللى بيحصل فى موضوعات الكورة بيحصل أقوى منه فى أى موضوعات تانية مش الكورة هى السبب نهائيا


ثانيا : مستحيييييييييييييييييييييييييييييييل ... و انا دلوقتى باتكلم عن نفسى ... مستحيل إنى اتخانق مع حد أو أزعل من حد علشان موضوع كورة بنتكلم فيها من سنين و دايما بيبقى فى مناورات و هزار بيننا


ثالثا : اللى ممكن يضايقنى فعلا مش موضوع كورة ... لأ طبعا و مستحيل ... بس اتضايق لما اتفاجأ بردود بعض الناس فى أى حوار ... يعنى مثلا بدل جو الحوار و الجدل ... أتفاجأ بوجود مهاجمة شخصية أو استهتار برأى الغير

***مثلا*** ... لما نبقى بنتكلم عادى و تلاقى واحد يرد عليك و يقول لك .......

(خليك فى نفسك و بطل كلام ملوش لازمة) .... بدل من أن يرد فى نطاق الحوار و أن نتجاذب أطراف الحديث فى ظل مناقشة موضوعية


رابعا : زى ما قولت قبل كدة ... مش الاستاد الرياضى هو اللى فيه المشكلة ... المشكلة موجودة فى طريقة بعض الناس فى الرد يعنى الحل مش فى إغلاقه ... الحل يكون بالتدخل الإيجابى للأعضاء فى مثل هذه المشاكل


فى حين يراها البعض مضيعة للوقت و سببا من أسباب الزعل ... أرى أن المشاركة فى المنتدى هذا ...(منتدى طب الفيوم)... افادنى كثيرااااااا

بالإضافة إلى الموضوعات المفيدة و التى تجادلنا فيها كثيرا ... فإن هذا الجدل أو الحوار قد أظهر صفات و شخصيات لبعض الأفراد لم أكن أعرفها

سأظل أشارك فى أى موضوع مطروح داخل المنتدى طالما يهمنى أمره على الرغم من أن مشاركاتى ستقل إلى الحد الأدنى لها مع بداية الدراسة

و سلامو عليكو.....

انا بردو شايفة ان مش الحل اننا نلغي الساحة
مادام مفيش خناق يبقى مفيش مشكلة
و بالتالي يبقى كل واحد قبل ما يتخانق يفكر هو بيتخانق عشان ايه
انا بقه عن نفسي مش باشارك في الساحة دي بس بادخل عشان اضحك على ردودكم على بعض
طبعا الا لو كانت خناقة انا قصدي على الهزار مش اكتر
و شكرا يا د.عمرو انك فتحت الموضوع ده
لان فعلا في ناس بتتخانق كتير عشان الكلام ده
و لازم فعلا حد يفوقهم

ابدا يادكتور انا مش هالغي الساحه خالص
ده كان نوع من التهكم مش اكتر
لان الموضوع ده مالهوش نهايه مادام في اهلي وزمالك يبقى في خناق
ولكن الحل في الاعضاء ..يعني كل واحد يشجع فرقته بس من غير تعصب.و.هزار مش اكتر..لكن لدرجة ان الناس تزعل من بعض ..اهه ده اللي ماينفعش
يا جماعه فين الروح الرياضيه