رمضان جانا...أهلا رمضان

السلام عليكم ورحمة الله وبركاته ازيكم يادكاترة وكل سنة وانتو طيبين ,,,بمناسبة حلول شهر رمضان الكريم انا عندي فكرة بسيطة ممكن نعملها في المنتدى خلال ايام شهر رمضان الكريم وهي كلنا نبحث عن مواضيع اسلامية نناقش فيها وياريت كل عضو يختص بحاجة معينة يعني مثلا انا هختص بالأحاديث الشريفة يعني كل يوم هجيبلكم حديث شريف وهجيب معاه معاني الكلمات بتاعته وتفسير الحديث وايه اللي ارشدنا ليه ،،،عضو اخر يكون يختص بالأيات القران الكريمة وعضو أخر يختص بقصص الأنبياء يعني يحاول يجيبلنا كل يوم قصة من قصص الأنبياء ، عضو أخر يختص بالسيرة النبويةبمعنى يجيبلنا كل يوم مواقف لسيدي رسول الله محمد صلى الله عليه وسلم وهكدا اتمنى ان الفكرة تكونوا موافقين عليها واللي عايز يضيف حاجة ياريت يقول

الفكرة جميلة جدا يا دكتور
وياريت نقدر نطبقها
و في حاجة كمان شفتها في منتديات كتير
ممكن نتفق كل يوم على حاجة جديدة كويسة نعملها كلنا
وكل واحد في اليوم اللي بعديه يقولنا عمل ايه وحس بايه وهو بيعمل الحاجة دي

فكرة جميلة جدا والاضافات كلها مفيدة وجميلة
جزاكم الله كل خير جميعا
وعندي اضافة كمان لو سمحتوا اننا نتفق كل يوم على عدد معين من الايات نحفظها ولازم نحفظها
وكل واحد يجي اليوم اللي بعده يقول اذا مان حفظ او لا وممكن نبدأ الموضوع ده في رمضان ونكمل بعد رمضان ان شاء الله لحد ما نحفظ القرأن كله باذن الله
وبالنسبة لفكرة د.عبد الرحمن انا ممكن ان شاء الله اجيب كل يوم قصة من قصص الانبياء
وجزاكم الله كل خير جميعا

شكرا لكل الأعضاء الموافقين على الفكرة وانا سعيد ومؤيد لكل الاضافات اللي بعتوها واتمنى كل عضو يحدد الموضوع اللي هيختص بيه زي د/ريتاج

انا ان شاء الله هاجيب لكم قصص السيرة النبوية

انتوا كده ما سيبتوليش حاجه
اممممممممم
ممكن ابقى اجيبلكم مثلا اسئله فقهيه والاجابه عليه
من كتاب الشيخ الشعرواي