الرئيسية
أراجـــــــوز ..
يضحــــك وقت مابيعوز
وكله عنده بيجـــــــــوز
يضحك.. يلعب.. يتنطط
وفجــــــأة
يزعل ويمد البـــــــــوز
حلمه من جدره مجذوذ
صوته ف حقيقته مهزوز
أراجـــــــــــــوز
***************
بيمثــل .. يرقص ويهلل
والكل بيضحك ويسقف
دموعه ف عينه بتتكتل
وبـــرضه يكمل
.....
رايح جاي فوق مسرح
كلماتـه حلـــوة وتفرح
لكن معانيها كتير تجرح
والمعنى مايعنيش إلاه
ولاتوجع غير قلبــه الآه
ييجي يصرخ ....
ينــــــــظر حواليه
مالهم الناس كده ليه
بتضحك على دمع عنيه
مش فاضيه ولا ف بالها
تواسيـــــــــــه
ده في الآخر أراجوز
علشان تضحك بس عليه
**************
أراجوز
شايفين منـــه بس قناع
أراجوز شاطر في الإقناع
زعلان ليه ..؟
ما المظهر دايما خــداع
والظاهر منك إبــــــداع
كلامك..حركاتك..ألوانك
ماتقولشي إنك ف صراع
**********
أراجــــــوز
بتتخبى ف لون مش لونك
فرحك.. ضحكك..وجنونك
ده مش إنـــــــت
ده مشهد عايشه وبيخونك
........
فرحان بالنـاس الملمومه
ده مهمومـــه
بتحاول تتناسى همومها
وماتلومــــها
ما الناس والدنيـــــــــــــا
الكدب صبح مكنونــــــها
وأهو كله يجـــــــــــــــوز
يامعلـــــــم أراجــــــــوز
*.*.*.*.*.*.*.*.*..*.*.*.*.
بجد تسلم ايدك يا باشا
