ازيكوا يا دكاترة .......
الاجازة قربت تخلص..... فقولنا نروح مع بعض مكان جديد قبل الدراسة
المكان بتاع النهاردة مختلف شوية لكنه من أروع واسمى الاماكن اللي ممكن نروحها
علشان مطولش عليكوا ندخل ف الموضوع على طول
النهاردة هنروح .....غار حراء
غار حراء موجود في جبل اسمه جبل النور
وفعلا جبل النور ده اسم على مسمى ......
وأزاي يكونله اسم تاني وكان عليه مهبط الوحي على خير خلق الله اجمعين
دي صورة للجبل ووصف الجبل بعد الصورة
مكان السهم اللي ف الصورة ده مكان فتحة الغار نفسه
واللي زي ماهو واضح في القمة تقريبا بتاعة الجبل
والفتحة بتاعته من فوق ....يعني اللي بيدخل الغار بيطلع جزء الاول وبعدين ينزل الغار نفسه
الجبل شديد الاتساع في القاعدة وبيرتفع بشكل متدرج لحد قرب القمة
وبعد كدة شديد الانحدار من أو بمعنى اصح الارتفاع بيزيد بشكل شبه قائم من الاعلى
إلا الجانب الشرقي وده اقل انحدارا والارتفاع بيزيد فيه بشكل مش قائم
زالجانب الشرقي ده اللي بيبان في يمين الصورة
نبدا بقى رحلة طلوع الجبل
الرحلة دي شاقة جدا لان الغار زي ما قولنا في القمة
وأرض الجبل متعرجة جدا ومنحدرة جدا وده بيخلي صعود الجبل مرهق جدا
دي استراحة على الجبل نفسه للزوار للراحة والشرب وغيره
والسلالم اللي موجودة في الصورة دي تم بناءها بمجهود متطوعين والتبرعات
علشان يبقى صعود الجبل اسهل بالنسبة للزوار
لكن في الأساس الأرض دي مش ممهدة
دي بقى استراحة تانية موجودة على قمة الجبل نفسه من فوق
واللي بتدخل للغار بس بمنزل صغير لتحت
دي صورة للغار نفسه من فوق من موقع الاستراحة اللي في الصورة اللي قبلها
دي بقى صورة تانية للغار من فوق
نركز مع بعض في الصورة دي شوية يا جماعة
الانحدار بتاع المدخل بتاع الغار شديد جدا
ومكانش في ايام الرسول عليه أفضل الصلاة والسلام السلالم اللي موجودة دلوقتي
انا شايفة الصورة دي من بعد تاني خالص
واحدة في سن السيدة خديجة لما كان الرسول عليه السلام بيتعبد في الغار وكانت بتروحله بلأكل
منزل زي ده كان مش بيخليها متفكرش ولا مرة انها تكسل او تتعب او تمل
ده غير الطريق اللي كانت بتطلعه اساسا من الاول وكل اللي فيه
الله على عظمة السيدة خديجة وشدة حبها لزوجها اللي كان بيخليها تعمله ده كله
بحب ورضا ومن غير ما تزهق او تمل
دي بقى صورة بالعكس لقمة الجبل من الغار
واضح أن قمة الجبل قريبة جدا من فتحة الغار
دي صورة للغار نفسه من الخارج ....
الصورة دي طبعا حديثة فباين فيها شوية ترميمات او بمعنى اصح تجهيزات تسهل الرحلة على الزوار
الغار صغير جدا يا جماعة او يعني أصغر مما كنت اتصور
دي بقى صورة للغار من الداخل
وده المكان العظيم اللي تلقى فيه الرسول عليه السلام بشاير الرسالة
واللي كان بيتعبد فيه لله سبحانه وتعالى
انا بجد مكنتش اعرف أن المكان صغير كدة وصعب الوصول ليه كدة
الصورة دي بتبين وضع الناس اللي نازلة الغار وشكل الحجارة
ده دلوقتي المكان الى حد ما مجهز لكن قبل كدة كان شكله عامل ازاي
أن شاء الله انا بجهز موضوع عن الغار نفسه ومعلومات عنه
لكن انا النهاردة اكتفيت بوصف الرحلة ليه وشكل الجبل
ويا رب أكون وفقت في ذلك
ويا رب ماتكونش رحلة صعبة ومتعبة عليكوا
وتكونوا قضيتوا وقت كويس إن شاء الله
وسلام يا احلى دكاترة
عدل سابقا من قبل DrSimo ig في الثلاثاء 29 سبتمبر - 18:49:01 عدل 1 مرات