يهتم بمتابعة أخبار الكلية و التناقش بين الطلاب حول الموضوعات التي تهم طلاب الطب بوجه عام وطلاب طب الفيوم بصورة خاصة


    الUFO الجزء الثانى هل هم من بنوا الأهرام؟! وما هو موقعهم فى التاريخ

    شاطر

    Ahmodzo
     
     

    ذكر

    تاريخ التسجيل : 25/08/2008
    رقم العضوية : 24
    عدد المشاركات : 153
    العمر : 25
    نقاط : 3227
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Ahmodzo في الأربعاء 30 سبتمبر - 23:34:02

    الUFO الجزء الثانى
    هل هم من بنوا الأهرام؟! وما هو موقعهم فى التاريخ





    رابط الجزء الأول

    ربما كان الشعور مفزعاً عندما يقنعك شخص بأن الرمز الأعظم لحضارة بلادك لا ينتمى إليها ،كان هذا لسان حالى عندما قرات فى أحد المواقع الأجنبية مقالة بعنوان الِ الكائنات الفضائية أوAliens هم منشؤا الأهرام الحقيقيون.كانت بداية القول أشبه بهذيان من فقد عقله ، إلا اننى وجدت أناساً راسخون على ارض صلبه بما لديهم من أدلة و براهين تأتت بعد ذلك.

    فما هو معروف عن الأهرامات أنها أغرب الصروح الإنشائية منذ فجر التاريخ و أعظمها على الإطلاق ، فالهرم الأكبر يحتوى على ما يقرب من المليونين و نصف المليون حجر ، يزن الواحد منهم ما يقرب من 2.5 طن و قد استغرق بناء الهرم الأكبر حوالى عشرين عاماً ، إلا أنه ما توافر حتى الاّن من معلومات عن إسلوب التشييد فلا يتعدى بعض النظريات التى لم يثبت أى منها صحتها.

    و عن الدلائل التى اعتمد عليها الكاتب و مؤيديه فكانت منطقيه إلى حد كبير ، فقد كان الدليل الاول هو أن بناء هذه الأهرامات هو عمل يفوق قدرات البشر بل أن من ساعدهم فى ذلك هى تلك الكائنات صاحبة القدرات الخارقة ، أما عن الدليل الثانى-وهو الأكثر قوة - وجود هذه الرسومات المعروضه لأشخاص على جدران أحد حجرات الهرم الأساسية، وتنتشر مثيلاتها على جدران المعابد المصرية فى صعيد مصر ، فبملاحظة رؤوس الأشخاص على الصورة و أرجلهم ، فهذا الرأس المتضخم ربما يشبه نظيره فى جسم ال Aliens المعثور عليهم فى حادثة روسويل (بالرجوع إلى الجزء الاول) وكان من ضمن اهم البراهين العثور على بعض التماثيل الأثرية الفرعونية القديمة فى دولة بيرو بامريكا الجنوبية،.فكيف وصلت هذه التماثيل إلى هذه المنطقة النائية عن الحضارة المصرية وما هو الوسيط فى هذه العملية وكان ذلك دليلاً اّخر على وجود ال UFO .فى الأراضى الفرعونية
    .







    لاحظ التشابه بين الراس و الاقدام المرسومه و الأخرىلجسم الكائن الفضائى

    إلا أن نوبة من الإرتياح قد غمرتنى عندما وجدت جمهوراً اّخر من المعارضين من علماء الاّثار و علماء المصريات وكان تكذيبهم واضحاً و صريحاً و جاء ضمن ردهم أن انتقال الاّثار إلى أمريكا الجنوبية جاء من المصريين القدماء ذاتهم الذين اشتهروا ببراعتهم فى الملاحة ،وايضاً علمهم بالجغرافيا و درايتهم بما حولهم من دول ، ووجود تعاون مع دول أمريكا الجنوبية ربما يكون أمراً لم يتوصل اليه علماء الاّثار و المؤرخين حتى الاّن ، وقد ارجع البعض ذلك الى سرقة الاثار و التى نشطت وبشده فى القرون الثلاثة الماضية ،

    أما عن الرسومات التى وجدت على جدران الحجرات و المعابد و هو الدليل الأدعى للتكذيب ، فقد جاء ضمن قولهم أن الفراعنة قد استخدموا هذا النوع من الفن الرمزى، فهذه الرأس الكبيرة إنما هى كناية عن العقل فهم من عرفوا أن العقل هو مصدر الفكر و الإبداع و الدليل على ذلك تمثال الملكه نفرتيتى المبين فى الصورة و الدال على ذكاء هذه السيده و قدرتها كملكة فى اعين المصور المصرى القديم.





    صورة لتمثال رأس النملكه نفرتيتى


    لم يقتصر الأمر على الأهرامات فحسب بل أمتد إلى الشرق الأقصى أو الصين حيث عثر هناك على بعض الأشكال المعدنية دائرية الشكل و غيرها من الأشكال الهندسية محكمة الدقة، أقرب الظن كما ذكر المصدر أن هذه الكائنات الفضائية قد أقامت فى هذه المنطقه من قبل تاركين هذه المشغولات الدقيقة هناك.

    أما عن قارة أمريكا الجنوبية ، فكان مسرح الأحداث فى بيرو ،فقد توصل البعض أن خطوط نازكا وكذلك جزء من اّثار مدينة ماشو بيشو الشهيرة على نسق غير معهود وهو نفسه الإسلوب المستخدم فى بناء بعض المنشاّت فى دولة أوزباكستان مما أثار دهشة البعض ، و أكد لدى اّخرين فكرة وجود ال Aliens منذ أزمنة التاريخ السحيقة.


    كما عُثر على جماجم ذات رأس ممتده ، لعلها كانت جماجم لأجسام الكائنات الفضائية.









    وهذه الصور المعروضه أمامكم للجاجم المذكورة ، الموجوده الاّن بالميوزيو رجينال للايكا ببيرو

    وما وجدته فى أحد الافلام التسجيلية هو ظهور وميض متكرر و أنوار غير معهوده و التى رصدتها التلسكوبات منذ عام 1500 و استمرت إلى أن فسرها بعض الفلكيين عام 1967 بأنها أطباق طائرة و ما إليها من أجسام غريبة.

    أعجبتنى كلمة لأحد أعضاء الكونجرس فى المؤتمر الصحفى لإزالة الملابسات حول قضية اليوفو Disclosure project الذى نوهت عنه فى الجزء الأول أردت أن أعرضها عليكم فى نهاية الجزء الثانى جاء فيها "إن غياب الادله لا يماثل بطبيعة الحال تواجد الأدله و تكذيب الناس لها و بذلك اعتبارها كأن لم تكن" .


    احمد صلاح.

    mostafa_hawash
     
     

    ذكر

    تاريخ التسجيل : 19/10/2008
    رقم العضوية : 105
    عدد المشاركات : 979
    العمر : 26
    نقاط : 3751
    إحترام القوانين :

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف mostafa_hawash في الأربعاء 30 سبتمبر - 23:50:22

    ايه اللي انت هببته ده....وايه الاسلوب ده مالك اللي جرالك
    ما انت كنت ماشي كويس
    هههههههه طبعا انت كنت في حيلهم بينهم يا حبي
    الموضوع عالي جدا جدا....واسلوبك رائع جدا..والجزء التاني اكثر اثارة من الاول بس ده ميقللش من الاول برده
    بصراحة وانا بقرأ الموضوع مكنتش قادر ارد على حد في الياهو من كتر الثارة
    جميل جدا انك عرضت وجه النظر من الناحيتين
    في نقطة بناء الاهرامات
    برافو عليك يا ابو صلاح بجد....وانا سعيد جدا بيك

    بس في النهاية ..ممكن فعلا يكون في مخلوقات فضائية وممكن ميكنش
    النهاية اللي ختمت بيها عشرة على عشرة


    عدل سابقا من قبل mostafa_hawash في الأربعاء 30 سبتمبر - 23:57:24 عدل 1 مرات

    sherif007
     
     

    ذكر

    تاريخ التسجيل : 22/03/2009
    رقم العضوية : 206
    عدد المشاركات : 329
    العمر : 26
    نقاط : 3258
    إحترام القوانين :

    كلمة : قـد يـرى الناس الجرح الـذي في رأسـك ولكـنهم لا يشعـرون بالألـم الـذي تعانـيه



    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف sherif007 في الأربعاء 30 سبتمبر - 23:54:50

    موضوع متميز جدا يا أحمد و واضح أنك عملت مجهود فيه كبير
    أولا : بخصوص الأطباق الطائرة كثير من العلماء يؤيدون وجودها
    ثانيا: بخصوص هذه الكائنات أعتقد أن صورها ربما تكون ملفقة
    ثالثا: الجماجم ربما تكون لجماجم لبشر فىمرحلة معينة أو لطائفة معينة أصيبت بطفرة جينية صنعت منها هكذا
    رابعا : الموضوع يحتمل التصديق أو التكذيب
    ولكن يظل دائما فوق كل ذى علم عليم

    د.حياة
     
     

    انثى

    تاريخ التسجيل : 01/09/2008
    رقم العضوية : 36
    عدد المشاركات : 183
    العمر : 26
    نقاط : 3199
    إحترام القوانين :

    كلمة : راقب أفكارك فسوف تصبح أفعالك
    و راقب أفعالك فسوف تصبح عاداتك
    و راقب عاداتك فسوف تصبح طباعك
    و راقب طباعك فسوف تحدد مصيرك

    المهنه :

    مزاجي :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف د.حياة في الخميس 1 أكتوبر - 5:12:55

    موضوع شيق جدا و غريب يا د.أحمد
    انا قرأت الجزأين
    بس مش مقتنعة بوجود كائنات بشرية تانية على كواكب أخرى
    لان اللي نعرفه ان اول بشر خلقوا هم سيدنا ادم و السيدة حواء
    و نزلوا على الارض على طول يعني (مش هقول مافيش)
    و انما ما نعرفش احتمال ان ممكن يكون فيه تكاثر بشري على اي بيئة تانية غير الارض
    غير كدة الرسول كان مبعوث للخلق كافة من انس و جن و جماد و حيوان
    و برضه ما نعرفش دليل من حياته انه بعث لمخلوقات على كوكب تاني
    ده رأيي من خلال معلوماتي الضئيلة
    و ممكن ما تكونش صحيحة
    بس الرأي اللي أرجحه هو رأي د.شريف انه ممكن يكون حصل طفرة بشرية في مكان ما نتج عنها سلالة جديدة من البشر
    ليها الصفات اللي ذكرت في الجزأين
    و بالنسبة للأطباق الطائرة
    فمش مستبعد انها تكون الة صنعها البشر في مكان ما
    و لسبب ما لم يتم الكشف عنها
    بس ارجع و اقول ان ربنا قادر على كل شيئ
    و حتى الان في ظواهر كتير ما نعرفش تفسيرها
    و ما أوتيتم من العلم الا قليلا
    بس مجهود جميل جدا نشكرك عليه

    BASMALA
     
     

    انثى

    تاريخ التسجيل : 19/11/2008
    عدد المشاركات : 161
    العمر : 25
    نقاط : 3063
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف BASMALA في الخميس 1 أكتوبر - 6:27:19

    شكرا يادكتور
    وبالنسبة لراي انا راي من راي حياة هي قالت الي كنت عايزة اقوله

    Dr_Somaia
     
     

    انثى

    تاريخ التسجيل : 17/09/2008
    رقم العضوية : 74
    عدد المشاركات : 758
    العمر : 26
    نقاط : 3756
    إحترام القوانين :

    المهنه :

    مزاجي :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Dr_Somaia في الخميس 1 أكتوبر - 7:25:26

    موضوع عالي جدااااااااا
    أولا بالنسبة للاسلوب وترتيب الافكار منظمة جدا
    بالنسبة بقى للقضية نفسها انا للأسف شوفت في ست مواقع على الأقل والموقع نفسه منشأ لدراسة الظاهرة دي في مصر الفرعونية بس
    مش حتى بشكل عام
    ولو حضرتك ذهلت لما لقيت الكلام ده مكتوب في احد المواقع الاجنبية
    انا بقى صعقت لما شوفت الكلام ده وبأدلة اكتر من كدة كمان وفي موقع بتاع دكتور في علم الاثار مصري
    تخيل ...... كان اسمه مصطفى حاجة كدة مش فاكرة اسمه بالظبط
    واهتم بدراسة الظاهرة دي وبالطبع بحكم مجاله في الاثار اهتم بمصر الفرعونية
    لكن للاسف كان بيثبت مش بينفي
    انا كنت بحاول أوصل للموقع ده الفترة دي وأجيب بعد أذنك اللينك هنا
    لكن للأسف ملقيتوش
    موضوع رائع يا دكتور ويعتبر محور حياة ناس تانية كتير
    احنا يمكن مش حاسسين بيهم لكنه موضوع بيشغل تفكير شريحة كبيرة في الغرب
    وده يمكن في اعتقادي يعني
    عدم اهتمامنا بحاجة زي كدة للنزعة الدينية اللي موجودة فينا مهما كان بعدنا عن الدين


    kenzy
     
     

    انثى

    تاريخ التسجيل : 21/07/2008
    رقم العضوية : 2
    عدد المشاركات : 3152
    العمر : 26
    نقاط : 6435
    إحترام القوانين :

    المهنه :

    مزاجي :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف kenzy في الخميس 1 أكتوبر - 11:05:45


    طبعا يا دكتور مش هاقدر اشكر في الموضوع
    لاني مهما قلت مش هاوفيه حقه
    لانه بجد اكتر من رائع من جميع النواحي

    ما عن الرسومات التى وجدت على جدران الحجرات
    و المعابد و هو الدليل الأدعى للتكذيب ، فقد جاء ضمن قولهم أن الفراعنة قد
    استخدموا هذا النوع من الفن الرمزى، فهذه الرأس الكبيرة إنما هى كناية عن
    العقل فهم من عرفوا أن العقل هو مصدر الفكر و الإبداع و الدليل على ذلك
    تمثال الملكه نفرتيتى المبين فى الصورة و الدال على ذكاء هذه السيده و
    قدرتها كملكة فى اعين المصور المصرى القديم.



    هو انا كنت قريت زمان ان تقريبا كبر راس الفراعنه يرجع لان ده عيب خلقي ومرض كان منتشر ساعتها عندهم
    مش كناية عن التفكير
    وكانت في ساعتها صوره لتحتمس وبناته...لو ملك تاني مش فاكره بالظبط
    وهم بيتعبدوا للشمس وراسهم كبيره زي اللي باين في الصوره

    وبالنسبه للاطباق الطائره انا برضه شايفه زي ما حياه قالت انها ممكن تكون صنع في الارض

    بس ما اعلنش عنها لاي سبب...مثلا نوع جديد من الطيارات

    عدم اهتمامنا بحاجة زي كدة للنزعة الدينية اللي موجودة فينا مهما كان بعدنا عن الدين

    معاكي حق












    Dr.Ahmed
     
     

    ذكر

    تاريخ التسجيل : 09/09/2008
    رقم العضوية : 56
    عدد المشاركات : 3034
    العمر : 26
    نقاط : 6391
    إحترام القوانين :

    كلمة : فالله خير حافظا .. وهو أرحم الراحمين

    المهنه :

    مزاجي :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Dr.Ahmed في الخميس 1 أكتوبر - 12:17:44

    أنا متفق مع كلام د.حياة وشريف


    أنا بصراحة الموضوع ده أول مرة أسمع عنه والمعلومات دي أول مرة أعرفها


    وجزاك الله خير يابوحميد على الموضوع الجميل ده


    وسيبك من الموضوع أنا عجبني أسلوب عرضك للموضوع






    Ahmodzo
     
     

    ذكر

    تاريخ التسجيل : 25/08/2008
    رقم العضوية : 24
    عدد المشاركات : 153
    العمر : 25
    نقاط : 3227
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Ahmodzo في الخميس 1 أكتوبر - 23:44:00

    اولا شكرا لكل من حواش و شريف و د.حياة و BASMALA و كنزىو Dr Simo وابوحميد
    بالنسبه لشريف و د.حياة
    فالجانب الربانى او الموقف الدينى من الموضوع ده كان فى دماغى طوال فترة البحث
    لكن محبتش اتطرق اليه فى موضوعى وده لسببين
    اولا لتضارب الاراء بقوة فى الموضوع ده و ثانيا لأن المصادر بتاعتى كلها أجنبيه سواء كانت مواقع او أفلام تسجيلية
    وهما تقريباً مش فى دماغهم الناحية دى خالص و ده يرجع لغياب النزعة الدينية بيننا و بينهم زى ما انت قولتوا
    و بالنسبه لdr simo

    DrSimo ig كتب:
    موضوع عالي جدااااااااا
    أولا بالنسبة للاسلوب وترتيب الافكار منظمة جدا
    بالنسبة بقى للقضية نفسها انا للأسف شوفت في ست مواقع على الأقل والموقع نفسه منشأ لدراسة الظاهرة دي في مصر الفرعونية بس
    مش حتى بشكل عام
    ولو حضرتك ذهلت لما لقيت الكلام ده مكتوب في احد المواقع الاجنبية
    انا بقى صعقت لما شوفت الكلام ده وبأدلة اكتر من كدة كمان وفي موقع بتاع دكتور في علم الاثار مصري
    تخيل ...... كان اسمه مصطفى حاجة كدة مش فاكرة اسمه بالظبط
    واهتم بدراسة الظاهرة دي وبالطبع بحكم مجاله في الاثار اهتم بمصر الفرعونية
    لكن للاسف كان بيثبت مش بينفي
    انا كنت بحاول أوصل للموقع ده الفترة دي وأجيب بعد أذنك اللينك هنا
    لكن للأسف ملقيتوش
    موضوع رائع يا دكتور ويعتبر محور حياة ناس تانية كتير
    احنا يمكن مش حاسسين بيهم لكنه موضوع بيشغل تفكير شريحة كبيرة في الغرب
    وده يمكن في اعتقادي يعني
    عدم اهتمامنا بحاجة زي كدة للنزعة الدينية اللي موجودة فينا مهما كان بعدنا عن الدين



    يا ريت تستمرى فى محاولة البحث و اول ما تلاقي اى لينك تكتبيه هنا
    وفعلا يا جماعه فى شريحه كبيره جدا من الغرب مهتمه بالموضوع ده جدا
    على الرغم من تفاوت الأراء

    على فكره انا يمكن الجزء بتاع الحضاره المصريه كان الازم اكتب الراى و الراى المعارض
    لأن هو أكثر الجوانب اهميه فى موضوع اليوفو بالنسبه لنا كمصريين

    nora
     
     

    انثى

    تاريخ التسجيل : 09/07/2009
    رقم العضوية : 236
    عدد المشاركات : 70
    العمر : 26
    نقاط : 2813
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف nora في الجمعة 2 أكتوبر - 4:33:51

    اولا الموضوع رائع و السلوب اروع و حبيت اضيف شىء سمعته عن مقابله مع مدير المستشفى الساحلي التي نوه من خلالها عن وجود وثاثق عن عينات من اجسام غريبه وصلت الارض و الموجوده في ملفات سريه في مؤسسات و صروح علميه تابعه للبنتاجون الامريكي و التي تتكون من اكثر من ثلاثة الاف صفحه ولا يسمح لاحد بالطلاع عليها نظرا لخطورة الموضوع سوى الرئيس الذي يسمح له بالاطلاع علي حوالي40 صفحه فقط ثانيا اما بالنسبه للاهرامات فهناك الكثير ممن يزعمون انهم بناة الاهرامات منهم اليهود و ذلك يعزى كونه اعجاز يفخر كثيرون بنسبه اليهم و بشكل كبير لتاخرنا و استبعادهم لقدرتنا علي تحقيق مثل هذا الانجاز ثالثا بالنسبه للدين فان غيب الله واسع و ابداعه ليس له حدود و لم نعرف من العلم سوى القليل مما قدر لنا معرفته باذنه ان شاء الله و اخيرا شكرا على مجهودك الرائع واحييك على دافع حب المعرفه عندك لكن يصعب الحكم لانه يعتمد بشكل اساسي على الوجود في ميدان الدراسه نفسه و البحث المكثف و الرؤيه الصادقه للادله

    Ahmodzo
     
     

    ذكر

    تاريخ التسجيل : 25/08/2008
    رقم العضوية : 24
    عدد المشاركات : 153
    العمر : 25
    نقاط : 3227
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Ahmodzo في الجمعة 2 أكتوبر - 9:48:26

    kenzy كتب:

    طبعا يا دكتور مش هاقدر اشكر في الموضوع
    لاني مهما قلت مش هاوفيه حقه
    لانه بجد اكتر من رائع من جميع النواحي

    ما عن الرسومات التى وجدت على جدران الحجرات
    و المعابد و هو الدليل الأدعى للتكذيب ، فقد جاء ضمن قولهم أن الفراعنة قد
    استخدموا هذا النوع من الفن الرمزى، فهذه الرأس الكبيرة إنما هى كناية عن
    العقل فهم من عرفوا أن العقل هو مصدر الفكر و الإبداع و الدليل على ذلك
    تمثال الملكه نفرتيتى المبين فى الصورة و الدال على ذكاء هذه السيده و
    قدرتها كملكة فى اعين المصور المصرى القديم.



    هو انا كنت قريت زمان ان تقريبا كبر راس الفراعنه يرجع لان ده عيب خلقي ومرض كان منتشر ساعتها عندهم
    مش كناية عن التفكير
    وكانت في ساعتها صوره لتحتمس وبناته...لو ملك تاني مش فاكره بالظبط
    وهم بيتعبدوا للشمس وراسهم كبيره زي اللي باين في الصوره

    وبالنسبه للاطباق الطائره انا برضه شايفه زي ما حياه قالت انها ممكن تكون صنع في الارض

    بس ما اعلنش عنها لاي سبب...مثلا نوع جديد من الطيارات

    عدم اهتمامنا بحاجة زي كدة للنزعة الدينية اللي موجودة فينا مهما كان بعدنا عن الدين

    معاكي حق




    انا خصصت الرد ده للجواب على ردك
    فعلا كانت الصوره دى بس للملك اخناتون مش تحتمس
    وتسمى صورة اطفال اخناتون
    انا كنت لقيت الصوره دى فى الموقع العالمى للUFO
    و كانت موجوده بغرض اثبات لوجود ال Aliens فى مصر الفرعونية
    وجاء من ضمن كلامهم فى ما معناه
    ان الاطفال أصحاب رؤوس كبيرة و كذلك الملك فما أخفى هذا التاج الا رأس متضخمة
    بس انا محبتش اضيفها للموضوع
    لانها مش هضيف جديد



    هل هى الصورة؟
    واما عن موضوع المرض او العيب الخلقى فأنا اول مره اسمع عنه
    وممكن ده يكون اختلاف مصادر تبعا لإختلاف المؤرخين
    و عموما شكرا على مشاركتك

    Ahmodzo
     
     

    ذكر

    تاريخ التسجيل : 25/08/2008
    رقم العضوية : 24
    عدد المشاركات : 153
    العمر : 25
    نقاط : 3227
    إحترام القوانين :

    كلمة : يستطيع العضو كتابة ما يشاء هنا

    المهنه :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Ahmodzo في السبت 3 أكتوبر - 17:43:02

    nora كتب:اولا الموضوع رائع و السلوب اروع و حبيت اضيف شىء سمعته عن مقابله مع مدير المستشفى الساحلي التي نوه من خلالها عن وجود وثاثق عن عينات من اجسام غريبه وصلت الارض و الموجوده في ملفات سريه في مؤسسات و صروح علميه تابعه للبنتاجون الامريكي و التي تتكون من اكثر من ثلاثة الاف صفحه ولا يسمح لاحد بالطلاع عليها نظرا لخطورة الموضوع سوى الرئيس الذي يسمح له بالاطلاع علي حوالي40 صفحه فقط ثانيا اما بالنسبه للاهرامات فهناك الكثير ممن يزعمون انهم بناة الاهرامات منهم اليهود و ذلك يعزى كونه اعجاز يفخر كثيرون بنسبه اليهم و بشكل كبير لتاخرنا و استبعادهم لقدرتنا علي تحقيق مثل هذا الانجاز ثالثا بالنسبه للدين فان غيب الله واسع و ابداعه ليس له حدود و لم نعرف من العلم سوى القليل مما قدر لنا معرفته باذنه ان شاء الله و اخيرا شكرا على مجهودك الرائع واحييك على دافع حب المعرفه عندك لكن يصعب الحكم لانه يعتمد بشكل اساسي على الوجود في ميدان الدراسه نفسه و البحث المكثف و الرؤيه الصادقه للادله

    [b]ده صحيح فكونك دارسا يختلف كثيراً عن كونك مجرد قارىء او مستكشف للوضع
    اما بخصوص السرية التى احيط بها الامر
    ف ان شاء الله انا هتكلم عن الموضوع ده فى الجزء الثالث

    Tarek Ali
     
     

    ذكر

    تاريخ التسجيل : 18/08/2008
    رقم العضوية : 18
    عدد المشاركات : 2393
    العمر : 26
    نقاط : 5457
    إحترام القوانين :

    كلمة : Taking awhile

    المهنه :

    مزاجي :

    بلدي :



    default رد: الUFO الجزء الثانى هل هم من بنوا الأهرام؟! وما هو موقعهم فى التاريخ

    مُساهمة من طرف Tarek Ali في الأحد 4 أكتوبر - 2:02:23

    ف ان شاء الله انا هتكلم عن الموضوع ده فى الجزء الثالث

    هو السيزون كام حلقة ان شاء الله

      الوقت/التاريخ الآن هو السبت 10 ديسمبر - 7:41:34