السلام عليكم

السلام عليكم
ازيكم ياطلاب طب الفيوم
انا داخلة اولى طب وعاوزة اعرف نظام الكلية
هنروح الساعة كام
وياريت جدول المحاضرات
وربنا يكرمكم

وعليكم السلام

ان شاء الله هنروح يوم السبت اول يوم دفعه اولي مش هتاخد حاجة فيه لانه يوم السبت سكاشن بس وانتوا لسه ما اتقسمتوش مجموعات قاول يوم هيبقي مجرد تعارف على زمايلك وتتجولي في الكليه وتشوفي انتي في مجموعه كام انما يوم الاحد المحاضرات هتبدا رسمي بعكس اي كليه تانيه تبدا من تاني اسبوع لا احنا كليتنا بتبدا من اول يوم علطول

الدخول بيبقي على الساعه 9 او 10 كله بيبقي متواجد

وده لينك بجدول المحاضرات
https://future-dr-bak.own0.com/montada-f1/topic-t1961.htm

وده لينك بجدول السكاشن
https://future-dr-bak.own0.com/montada-f1/topic-t1964.htm


بالتوفيق يادكتوره
ويارب السنه دي تبقي سنه سعيده علينا كلنا

السلام عليكم
انا متشكرة جدا يادكتور ووفقك الله
انا عاوزة افهم حاجتين
الاولى
مش فاهمة حكاية المجموعة السادسة زبتتقسم على اساس ايه
على اساس الابجدية
مثلا
وهيكون ايه نظامها
لانى غالبا هكون فى المجموعة السادسة والثانية هو ممكن حد مش فى طب يشترك هنا

بالنسبه للنقطه الاولي هنتقسم حسب الترتيب الابجدي والمجموعه الاخيره دول الناس الي جايين من الخليج وشهادات المعادله
بالنسبه للنقطه التانيه اه عادي المنتدي مفتوح لكل الطلبه

السلام عليكم
طب لو انا مش عاوزة اروح يوم السبت عادى مش هناخد محاضرات ولا لازم اروح يوم السبت

يوم السبت مفيش محاضرات ولا اي حاجة المحاضرات هتبتدي يوم الاحد رسمي
انما اللي هيجي يوم السبت هيبقي لغرض التعرف على الكليه وزمايله الجدد وكده بس مش اكتر

شكرا يا دوك عالافادات دي

واحنا شاكرين افضالك

ويارب تكون سنة سعيدة

السلام عليكم
هل السكاشن هتبدا اول اسبوع يعنى يوم الاحد هنجى 8 او 10

لا اول اسبوع مفيش سكاشن هتيجوا 10 عادي

معلش يا دكتور كترنا الاسئله
هو يوم السبت اجازه ف الكليه
باستثناء السبت ده مش كده؟

لا طبعا
السبت عليكم سكاشن
شوفي جدول السكاشن يادكتوره

Dr.Ahmed كتب:

معرفش ليه عندي إحساس فظيع أن دفعة أولى دفعة مبشرة


إن شاء الله ربنا يوفقكو وتجيبو امتيازات كلكم

انا مش عارفه الرد ده تريقه عشان انا ماخدتش بالى من الموضوع
بتاع يوم السبت مع ان الجدول معايا وعشان اسئلتنا كتيره شويه
والا كلام بجد عموما انا بشكر حضرتك ف الحالتين واطمن
لان دفعتنا لو فى حاجه اكتر من الامتياز هيوصلوا لها
لان ماشاء الله فى ناس قفلت يجى نص المنهج ف الاجازه

[b]لا يادكتورة مش تريقة


أنا أقصد أن أسئلتكم كتير أوي وعندكم حماس واهتمام زيادة


وتعبتو عبده معاكم الصراحة ..


عادي كلنا مرينا بالسنة دي وعدينا الحمدلله


وربنا يعيننا كلنا على السنة الجديدة


وعلى فكرة محدش بيقدر يقفل منهج هنا


اللي فات مات

ماشي يا دكتور مشكور علي كلامك ده

وفيها ايه لما نكون كدة

عايزين ديما نكون احسن

وفيها ايه لما نتعب عبد لالرحمن معانا

ده زي اخونا بس في حاجة بس يا دكتورة الاء

قفلتي نص المنهج في الاجازة ازاي

يعني متهيألي انها مش كويسة قوي الفكرة دي

وبالذات مذاكرة في الاجازة لانك محتاجة مع المذاكرة شوية فهم وده دور الدكتور او كلامه في المحاضرة

يعني حتي لو عند حضرتك حد خريج طب او دارس يعني بردوا معتقدش

وده مجرد رأي بس

ويارب بالتوفيق ديما

بس ملحوظة مركز اول الدفعة ده محجوز لي فمتطمحيش انك تاخديه

على فكره انا مافتحتش كتاب والله لكن موضوع المركز الاول
تنساه خاااااااااااااااالص الدفعه كلها عايزاه ملكش مكان عموما كل الكلام
هتشفوه بنفسكم فى كتير والله بدؤا مذاكره بقالهم يجى شهرين يعنى شوفوا
بقى عملو فيهم ايه بس ربنا يوفقهم كلهم انا كمان مش طموحى المركز الاول
خالص انا راضيه باى حاجه لانى عارفه ان الاول او الاولى كل الدفعه
هتكره وهيحقدوا عليه وانا ما احبش كده كان ممكن ابقى متمنياه
لو كان التنافس احسن من كده

Dr.Ahmed كتب:[b]لا يادكتورة مش تريقة


أنا أقصد أن أسئلتكم كتير أوي وعندكم حماس واهتمام زيادة


وتعبتو عبده معاكم الصراحة ..


عادي كلنا مرينا بالسنة دي وعدينا الحمدلله


وربنا يعيننا كلنا على السنة الجديدة


وعلى فكرة محدش بيقدر يقفل منهج هنا


اللي فات مات

معلش بقى استحملونا الشويه دول وبعدين مش هنسال تانى
خااااالص واسفين ل د.عبد الرحمن