السلام عليكم ورحمة الله وبركاته
ازيكو يادكاتره انا جبت لكم بعض رباعيات جاهين لان انا بحبها ويا رب تعجبكم
خرج ابن ادم من العدم قلت ياه
رجع ابن ادم للعدم قلت ياه
تراب بيحيا 00وحى بيصبح تراب
الاصل هو الموت ولا الحياه
عجبى
ياما صادفت صحاب وما صحبتهمش
وكاسات خمور وشراب وما شربتهمش
اندم على الفرص اللى سبتهم
ولا على الفرص اللى ماسبتهمش
عجبى
والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ياما فيه اسئله من غير ردود
عجبى
انا شاب لكن عمرى الف عام
وحيد لكن بين ضلوعى زحام
خايف لكن خوفى منى انا
اخرس ولكن قلبى مليان كلام
عجبى
نوح راح لحاله والطوفان استمر
مركبنا تايهه لسه مش لاقيه بر
اه م الطوفان وأهين يابر الامان
ازاى تبان والدنيا غرقانه شر
عجبى
الفيلسوف قاعد يفكر سيبوه
لاتعملوه سلطان ولا تقتلوه
ماتعرفوش ان الفلاسفه ياهوه
اللىيقولوه بيرجعوا يكدبوه
عجبى
يا نجم نورك ليه كده بيرتجف؟
هو انت قنديل زيت ؟اوتختلف
انا نجم عالى 00بس عالى قوى
وكل ما انظر تحت اخاف انحدف
عجبى
من بين شقوق الشيش شقشقت لك
مع شهقه العاصفير وزقزقت لك
نهار جديد00انا قوم نشوف نعمل ايه
انا قلت ياح تقتلنى 00ياح اقتلك
عجبى
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تموت
عجبى
كان فيه قمر كأنه فرخ الحمام
على صغره دق شعاع شق الغمام
انا كنت حاضر قلت له ينصرك
اشحال لما حتبقى بدر التمام
عجبى
مزيكا هاديه الكون فيها انغمز
وصيف وليل وعقد فل وسمر
يا هل ترى الناس كلهم مبسوطين
ويا هل ترى شايفين جمال القمر؟
عجبى
يارب تكون عجبتكم
سلااااااااااااااااااام
ازيكو يادكاتره انا جبت لكم بعض رباعيات جاهين لان انا بحبها ويا رب تعجبكم
خرج ابن ادم من العدم قلت ياه
رجع ابن ادم للعدم قلت ياه
تراب بيحيا 00وحى بيصبح تراب
الاصل هو الموت ولا الحياه
عجبى
ياما صادفت صحاب وما صحبتهمش
وكاسات خمور وشراب وما شربتهمش
اندم على الفرص اللى سبتهم
ولا على الفرص اللى ماسبتهمش
عجبى
والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ياما فيه اسئله من غير ردود
عجبى
انا شاب لكن عمرى الف عام
وحيد لكن بين ضلوعى زحام
خايف لكن خوفى منى انا
اخرس ولكن قلبى مليان كلام
عجبى
نوح راح لحاله والطوفان استمر
مركبنا تايهه لسه مش لاقيه بر
اه م الطوفان وأهين يابر الامان
ازاى تبان والدنيا غرقانه شر
عجبى
الفيلسوف قاعد يفكر سيبوه
لاتعملوه سلطان ولا تقتلوه
ماتعرفوش ان الفلاسفه ياهوه
اللىيقولوه بيرجعوا يكدبوه
عجبى
يا نجم نورك ليه كده بيرتجف؟
هو انت قنديل زيت ؟اوتختلف
انا نجم عالى 00بس عالى قوى
وكل ما انظر تحت اخاف انحدف
عجبى
من بين شقوق الشيش شقشقت لك
مع شهقه العاصفير وزقزقت لك
نهار جديد00انا قوم نشوف نعمل ايه
انا قلت ياح تقتلنى 00ياح اقتلك
عجبى
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تموت
عجبى
كان فيه قمر كأنه فرخ الحمام
على صغره دق شعاع شق الغمام
انا كنت حاضر قلت له ينصرك
اشحال لما حتبقى بدر التمام
عجبى
مزيكا هاديه الكون فيها انغمز
وصيف وليل وعقد فل وسمر
يا هل ترى الناس كلهم مبسوطين
ويا هل ترى شايفين جمال القمر؟
عجبى
يارب تكون عجبتكم
سلااااااااااااااااااام
عدل سابقا من قبل rahf في الجمعة 17 أكتوبر - 17:36:54 عدل 1 مرات