يهتم بمتابعة أخبار الكلية و التناقش بين الطلاب حول الموضوعات التي تهم طلاب الطب بوجه عام وطلاب طب الفيوم بصورة خاصة


    10 مليون جنبه...تصور؟؟!

    شاطر

    mero abkarino
     
     

    ذكر

    تاريخ التسجيل : 29/11/2008
    رقم العضوية : 142
    عدد المشاركات : 44
    العمر : 23
    نقاط : 2983
    إحترام القوانين :

    كلمة : يستطيع العضو كتابة ما يشاء هنا

    المهنه :

    مزاجي :

    بلدي :



    default 10 مليون جنبه...تصور؟؟!

    مُساهمة من طرف mero abkarino في السبت 6 ديسمبر - 21:23:14

    10مليون جنيه.. تصور؟!



    برنامج العاشرة مساء "حدث بالفعل مع بعض التصرف"
    المذيعة "منى الشاذلي" تطل بطبيعتها الهادئة على الجمهور، تحكي لهم أنهم
    يلتقون في هذه الحلقة مع ضابط شرطة، لكنه لم يقتل أحدا عمدا وهو يقود
    سيارته، أو يشارك في حفل تعذيب في السجن، أو يعقد صفقة مع بعض الخارجين
    على القانون.. هذه المرة مع الضابط النقيب محمد سعيد عبد السميع عليان..

    منى الشاذلي: برحب بحضرتك.. وصدقني أنا سعيدة جدا بوجودك.. لأنك نموذج الواحد بيفخر بوجوده بينا

    النقيب محمد: أنا اللي بشكرك.. ومافيش حاجة عملتها تستاهل كل الكلام الحلو ده

    - طبعا تستاهل أكتر من كده.. احك لنا بقى الحدوتة

    - مفيش.. أنا رئيس مباحث مركز شرطة نفادة بمحافظة قنا.. وفي يوم طلب مني
    مجموعة أشخاص أني أقابلهم الساعة 3 الفجر في مكان حددوه هم.. رحت طبعا
    وأنا مش عارف حاجة.. وهناك لما قابلتهم عرضوا عليّ رشوة 10 مليون جنيه في
    مقابل أني أسهل لهم عملية التنقيب والتهريب للآثار الموجودة في نفادة

    - 10 مليون جنيه!

    - آه.. دول كمان عرضوا عليّ نسبة من مبيعات الآثار بعد تهريبها!

    - طبعا حضرتك رفضت وبلغت عنهم والموضوع خلص قبل ما يبدأ.. بس خليني أسأل
    سؤال بايخ شوية.. ماجاش عليك لحظة وفكرت في المبلغ الرهيب ده وإزاي ممكن
    يغير حياتك كلها

    - أبدا.. الموضوع ماكنش محتاج تفكير ولو اتكرر ميت مرة.. رد فعلي واحد

    - دول 10 مليون جنيه

    - بس رشوة.. يعني حرام.. يعني ثروة بلدي تتهرب لبره عن طريقي.. ولا كل فلوس الدنيا

    - يمكن أنت بتفكر في كده عشان -معلش يعني- أنت ابن عمدة ومرتاح ماديا؟

    - صدقيني حتى لو ماكنتش ابن عمدة رد فعلي هيكون هو هو..

    - أنا مصدقاك طبعا عشان كلنا نعرف ناس عندهم ملايين ولو اتعرض عليهم
    المبلغ ده هيعملوا أي حاجة عشان ياخدوه على اعتبار أن البحر بيحب الزيادة

    - كلنا بنحب الزيادة.. بس بالحلال

    - الله ينور عليك.. بالحلال.. نشكرك مرة تانية على أنك بينا وبتعطينا نموذج وقدوة في وقت شديد الصعوبة والقسوة.. فاصل ونعود
    ***
    وأدينا عدنا!
    هه.. ايه تعليقك على الموضوع؟

    10 مليون جنيه
    يانور النبي!

    10 مليون جنيه
    ودول يتعدوا إزاي ياناس؟

    تخيل واحد زيك كده
    مصري خالص ابن بلد بجد مسلم فعلا وليس بالبطاقة وفوق ده وده ضابط شرطة
    يعني معاه سٌلطة تخليه ينفذ موضوع صفقة العشرة مليون جنيه دول من غير
    شوشرة "سُكتم بٌكتم" ولا حد ياخد باله.. ومع ذلك -شوف إزاي- رفض!

    حاجة تفرح بصراحة
    لأن ده معناه أنه رغم الظروف الحلوة اللي إحنا فيها
    لسه في مصر ناس بجد الأمور "مش متلخبطة عندهم"


    الحمد لله

    لسه فيه ورد ريحته حلوة في مصر
    لسه فيه ناس بترفض رشوة بالملايين عشان -شوف البساطة- ده حرام
    لسه فيه ناس الأمور عندها واضحة مش سامحين لأي لخبطة تدخل عندهم
    الحلال.. حلال
    والحرام.. حرام
    والصح صح.. والغلط غلط

    يعنيا لبوصلة لسه سليمة

    بس ياترى ده بس في موضوع الرشوة؟
    ولا ممكن يحصل في موضوعات تانية كتير حصل فيها تشوش

    زي مثلا الغش في الامتحانات والنصب على البشر والتزويغ من الشغل وحتى
    الانفعال الزائد ورمي الزبالة في الشارع لمجرد" أن كل الناس بتعمل كده اشمعنى أنا؟



    وياريت كل واحد يقول لو مكانه كان هيعمل ايه
    بس مش كله يقول هأعمل زيه
    دول 10 مليون جنيه
    يعني يعيشوك لغاية لما تموت
    وهتتبقى فلوس كمان











    dr.ahmedh88
     
     

    ذكر

    تاريخ التسجيل : 11/09/2008
    رقم العضوية : 61
    عدد المشاركات : 366
    العمر : 25
    نقاط : 3346
    إحترام القوانين :

    كلمة : يستطيع العضو كتابة ما يشاء هنا

    المهنه :

    مزاجي :

    بلدي :



    default رد: 10 مليون جنبه...تصور؟؟!

    مُساهمة من طرف dr.ahmedh88 في الجمعة 23 يناير - 13:06:50

    ايه يا عمرو الحلاوة ديه
    والله العظيم بتقول كلام زي الفل

    mero abkarino
     
     

    ذكر

    تاريخ التسجيل : 29/11/2008
    رقم العضوية : 142
    عدد المشاركات : 44
    العمر : 23
    نقاط : 2983
    إحترام القوانين :

    كلمة : يستطيع العضو كتابة ما يشاء هنا

    المهنه :

    مزاجي :

    بلدي :



    default رد: 10 مليون جنبه...تصور؟؟!

    مُساهمة من طرف mero abkarino في السبت 31 يناير - 9:06:49

    ميرسي ليك يا احمد يا حمدي

    ريتاج
     
     

    انثى

    تاريخ التسجيل : 02/08/2008
    رقم العضوية : 12
    عدد المشاركات : 435
    العمر : 25
    نقاط : 3682
    إحترام القوانين :

    كلمة : اتقوا الله ويعلمكم الله

    المهنه :

    مزاجي :

    بلدي :



    default رد: 10 مليون جنبه...تصور؟؟!

    مُساهمة من طرف ريتاج في السبت 31 يناير - 11:40:56

    الله بجد ده حصل وبجد لسة في ناس كويسين
    الحمد لله دا الواحد كان قرب يفقد الامل خالص
    ربنا يكتر من امثاله
    بس بصراحة مش عارفة لو مكانه كان الشيطان ممكن يخليني افكر ازاي
    بس اللي انا متأكدة منه ان اي حاجة حرام مش بتعمر وبتكون وبال على صاحبها ومش بيستفيد منها فأكيد لو فكرت بعقل هارفض طبعا
    شكرا لحضرتك يا دكتور على الموضوع الرائع ده

    mero abkarino
     
     

    ذكر

    تاريخ التسجيل : 29/11/2008
    رقم العضوية : 142
    عدد المشاركات : 44
    العمر : 23
    نقاط : 2983
    إحترام القوانين :

    كلمة : يستطيع العضو كتابة ما يشاء هنا

    المهنه :

    مزاجي :

    بلدي :



    default رد: 10 مليون جنبه...تصور؟؟!

    مُساهمة من طرف mero abkarino في الإثنين 16 فبراير - 10:03:45

    ميرسي على مروك الجميل ده
    بس على فكرة ان لسه مش دكتور زي باقي الاعضاء

      الوقت/التاريخ الآن هو الإثنين 5 ديسمبر - 9:25:53